Беларуска напісала пра нелюбоў людзей чытаць кнігі. Трэд сабраў мільён праглядаў і шквал хэйту
Меркаванне аўтаркі палічылі высакамерным.
Папулярная беларуская кніжніца і маркетолаг Каця Лазіцкая, больш вядомая ў твітары як «Матерь горящих жёп», апублікавала трэд, у якім паспрабавала разабраць прычыны, чаму людзі маюць праблемы з чытаннем мастацкай літаратуры.
На фоне подготовки к своей книжной лекции задумалась А ПОЧЕМУ ЛЮДИ ВООБЩЕ ИСПЫТЫВАЮТ ПРОБЛЕМУ С ЧТЕНИЕМ ХУДОЖКИ или даже совсем не читают. Топ причин тред pic.twitter.com/Acjser5nUv
Дзяўчына пачала з таго, што многія лічаць чытанне нуднай справай, бо калісьці ў школе прымушалі чытаць праграмныя творы кшталту «Вайна і мір». «Але вось хто іх чытаў сапраўды з задавальненнем, акрамя мяне?»
Прычыну ў непрыязнасці да твораў са школьнай праграмы яна бачыць у яе высокім тэмпе і адсутнасці кантэксту часу. На думку дзяўчыны, «Майстра і Маргарыту» школьнікі б чыталі ахвотней, калі б ведалі, што гэтая кніга была забароненай, як чытала яна, калі даведалася, што ейная настаўніца чытала яе з ліхтарыкам пад коўдрай.
З гэтымі меркаваннямі большасць, можа, і пагадзілася б, але далей трэд пачаў біць па хворых месцах некаторых чытачоў. Першымі ахвярамі сталі аматары біяграфій вядомых людзей, якіх кніжніца абазначыла дзвюма «чырвонымі сцяжкамі».
«Што такога вы хочаце адшукаць у кнігах чужога поспеху? Гэта бессэнсоўнае марнаванне часу», — заявіла Лазіцкая, пахваліўшыся, што за сваё жыццё прачытала толькі адну біяграфію — Ілана Маска — і тую ў аўдыяфармаце.
Гэтак жа нудным ёй здаецца чытанне выключна прафесійнай літаратуры.
Меркаванне, што варта не чытаць, а «пісаць» сваю гісторыю, дзяўчына пракаментавала словамі «я амаль задыхнулася ад гэтай цемнаты». На яе думку, кнігі дазваляюць пражыць шмат жыццяў, падарожнічаць у часе і па іншых сусветах.
Аматараў кіно яна ўпікнула тым, што яе знаёмая кагнітывістка кажа, што чытанне — гэта адзіны даказаны метад развіцця мозга, а вядомы біёлаг і папулярызатар навукі Канстанцін Севярынаў увогуле не глядзіць кіно. «Найразумнейшы чалавек, дарэчы».
Дарагавізну кніг яна палічыла недастатковым апраўданнем, бо дарагія толькі папяровыя кнігі. Увогуле ў многіх у Беларусі і Расіі ёсць даволі танная падпіска на «Яндэкс Плюс», якая адкрывае бясплатны доступ да мноства электронных і аўдыёкніг.
Любімай адгаворкай блогерка называе «няма часу». У якасці прыкладу яны праводзіць сябе, у якой кніга заўсёды ў смартфоне і яна чытае ў любы вольны час. Прывучае да гэта і сына, якога рэгулярна водзіць у кнігарню, каб ён выбраў што-небудзь сабе па душы, але дазваляе знаёміцца з некаторымі школьнымі кнігамі ў аўдыяфармаце.
Больш паважлівай прычынай яна лічыць, калі чалавек не можа знайсці «сваю» кнігу, але толькі калі гэты стан доўжыцца не 10 гадоў. Самая праўдзівая для яе прычына не чытаць кнігі — «я проста не хачу». Кніжніца піша, што адносіцца да такіх людзей без асуджэння.
Многія падпісчыкі палічылі трэд высакамерным, абясцэньвальным, дасягальніцкім, які пакідае ўражанне быццам чытанне — гэта нешта абавязковае для ўсіх.
Трэд падхапілі некаторыя тэлеграм-каналы з мільённай аўдыторыяй. Людзей зачапілі словы «адгаворка», «паважлівая прычына», «самая нармальная прычына», «добры густ», якія маюць канкрэтную афарбоўку. У рэплаях і рэпостах пачалося сапраўднае пекла з асуджэннем і высмейваннем аўтаркі трэда.
Не все поймут, как круто читать книги. Вы читаете книги? Книги супер. Кстати как вам моя книжная сумка для книг? https://t.co/rRvwdhyJCP pic.twitter.com/HNFyCq67ly
Дзяўчыне напісалі яшчэ кучу прычын, чаму яны не чытаюць мастацкую літаратуру. Хтосьці заўважыў, што павольна чытае і на адну кнігу можа пайсці больш за месяц, а таму чытанне прыносіць менш задавальнення, чым што заўгодна на свеце. А камусьці прасцей і цікавей спажываць кантэнт праз відэа.
«Занудна-душны кніжны нацызм», — абураліся твітарчукі ў рэплаях.
Блогерка пасля прызналася, што думала, што да яе ў трэд прыйдуць людзі, якія будуць казаць, што яны насамрэч чытаюць мастацкую літаратуру, а атрымала расчараванне.
Дзяўчына паспрабавала змякчыць сітуацыю, запісаўшы ў ціктоку відэа, што ёй насамрэч усё роўна, чытае чалавек ці не, а ў яе самой палова сяброў чытае толькі ўпакоўку ад асвяжальніка паветра. Маўляў, чытайце што хочаце, абы не псеўдапсіхалогію. Але і гэта ў сацсетках палічылі высакамерным.
«Ну не магу я па-іншаму гаварыць пра кнігі, ну высакамерна, так», — прызналася кніжніца.
«Мае сілы скончыліся»: Валярына Кустава расказала, чаму збірае на дапамогу сваёй сям'і18
Каментары
тая ж Майстар і Маргарыта, якую лічыла кнігай №1 у свой час... колькі год таму ўзяла перачытаць і ледзь дацягнула да канца - так было нудна. нават кніга №1 не зайшла - хочацца нечага зусім новага.
сябр неяк казаў, як Ургант расказваў, як перастаў чытаць - зразумеў, што нічога не запамінае з прачытанага. ну так - бо мозг сучаснага чалавека перагружаны. а вось Денискины рассказы, казаў, памятае дасюль.
А калі сур'ёзна, даўно надакучыў гэты рунет (чаму беларуска?) часоў 2000-х - пачатку 2010-х са сваім тролінгам і хайпам.