Недалёка ад вёскі Перыправа паблізу мяжы з Украінай знойдзеныя фрагменты расійскага беспілотніка, пра гэта заявіла Мінабароны Румыніі. Пра тое, што ў паветраную прастору краіны заляцеў меркавана расійскі дрон, ведамства паведаміла ў нядзелю, паведамляе Расійская служба Радыё Свабода.
Паводле звестак Мінабароны Румыніі, беспілотнік парушыў паветраную прастору краіны раніцай 8 верасня і затым пакінуў яе, паляцеўшы ў бок Украіны. Два самалёты F-16 вылецелі для назірання за паветранай абстаноўкай. Шлях беспілотніка таксама адсочваўся пры дапамозе радыёлакацыйнай сістэмы назірання.
У панядзелак улады Латвіі пацвердзілі, што беспілотнікам, які заляцеў 7 верасня ў паветраную прастору краіны, быў расійскі «Шахед». Дрон заляцеў з беларускай тэрыторыі.
Дарадца кіраўніка Офіса прэзідэнта Украіны Міхаіл Падаляк заявіў, што Расія праводзіць цынічную разведку, каб зразумець, калі NATO будзе гатовае абараняць свае межы.
Што за чамадан носіць каля Лукашэнкі ягоны ахоўнік? Не, там не ядзерная кнопка20
Каментары