«Усе дзівіліся, як мы знайшлі такія цэны». Дзясяткі беларусаў купілі танныя туры, але да мора не даехалі
Вольга і яе блізкія заплацілі за пуцёўкі на моры 45 тыс. рублёў, Дар'я — 16 тыс. Калі яны планавалі паездку, на рынку такіх цэнаў не было, але гэта турыстаў не насцярожыла, бо быў добры вопыт папярэдніх паездак і рэкамендацыі іншых людзей. Але гэтым разам нешта пайшло не так, і дзясяткі турыстаў сцвярджаюць, што напісалі заявы ў міліцыю, піша «Анлайнер».
«Думалі, што іншыя турагенты не хочуць даваць зніжкі»
Вольга пазнаёмілася з Ганнай у верасні 2023 года. Дзяўчына падбірала тур у Анталлю ў інстаграме, тады пры дапамозе Ганны знайшоўся гатэль «за вельмі выгадную цану». Потым была яшчэ адна паездка ў ААЭ.
— Мы выбралі класны пяцізоркавы гатэль, і ўсе дзівіліся, як нам зрабілі такую цану. Але мы думалі, што гэта наш правераны турагент, у нас вялікая кампанія, таму ўсё лагічна, нам зрабілі зніжку. Розніца ў параўнанні з іншымі прапановамі была значная: зніжка для сям'і склала прыкладна тысячу еўра.
— Якія цэны былі ў іншых?
«Потым высветлілася, што гэта заяўка ў асабістым кабінеце аднаго з тураператараў. Яе стварае турагент, але калі тур не аплачваецца, то праз суткі яна анулюецца. На гэтым скрыншоце ніякіх пацвярджэнняў браніравання і аплаты няма».
Тураператар, у асабістым кабінеце якога стваралася гэтая заяўка, пацвердзіў Вользе, што 17 сакавіка на прозвішчы некалькіх турыстаў сапраўды ствараліся броні, але на працягу 24 гадзін іх павінны былі «адправіць у працу», каб сістэма не анулявала іх аўтаматычна. Гэтага не адбылося, а значыць, месцы за імі не зарэзерваваліся.
«Я шмат разоў пыталася, ці аплачаны тур і хто тураператар. Сама пісала ў турэцкі гатэль, але там нічога не адказалі. Мне называлі турэцкую фірму, я патрабавала назваць беларускага тураператара. На ўсе мае пярэчанні атрымлівала адказ: «Вольга, вы нічога не разумееце, я шмат гадоў у бізнэсе». Я перадавала грошы за страхоўку ад нявылету — яе я ў выніку таксама не ўбачыла.
Калі стала зразумела, што паездка не адбудзецца, наколькі вядома, Ганна прапанавала напісаць заяву на вяртанне грошай. Але Вольга настойвала на тым, што хоча паляцець у адпачынак.
Інфармацыі пра турагенцтва не было ў рэестры суб'ектаў турыстычнай дзейнасці, але на гэта Ганна адказала, што «даныя яшчэ не абноўленыя» (на момант публікацыі даных пра ІП у рэестры не знойдзена).
«Ёсць групы ў Telegram, дзе 18 і 40 турыстаў, якія куплялі ў Ганны туры і не могуць паляцець. Мы думаем, што такіх людзей можа быць яшчэ больш».
«30% аплаты за тур унеслі іншыя людзі»
«У выніку яна сказала, што з нашым турам узніклі праблемы і трэба зрушыць даты. Прапанавала 16 верасня, калі адпачынак ужо скончыцца. Цяпер яна дала нам гарантыйны ліст, што выплаціць грошы да 16 верасня. Але я ведаю, што ў многіх турыстаў ёсць праблемы, і не хачу, каб мне плацілі грашыма іншых людзей, якія застануцца без адпачынку».
«Мы звяраліся з іншымі туркампаніямі. Мы заплацілі $3800, а калі запаўнялі заяўкі ў іншых турагенцтвах, нам прапаноўвалі за $4300 — груба кажучы, $500 розніцы. Мы браніравалі за два месяцы і палічылі, што такое можа быць. Гэта не тая сітуацыя, што тур каштуе $5000, а яна прадае за $2000».
Дар'я з сям'ёй 14 верасня павінна вылецець з Мінска ў Маскву, а адтуль — на Шры-Ланку.
«Я пачала правяраць броні на самалёты і ў гатэлі, але нічога не было. Потым яна сказала: «Мяне падставілі, гэта не тэлефонная размова».
— Вас не збянтэжыў падазрона танны тур?
Журналісты спрабавалі звязацца з Ганнай па нумары, які яна пакідала турыстам, але слухаўку яна не падняла, на паведамленне ў месенджары таксама не адказала.
Юрыст: «Інфармацыя пра турагентаў павінна быць у рэестры»
Як будзе развівацца сітуацыя для турыстаў далей, залежыць ад таго, вызначаць у дзеяннях турагента склад злачынства ці канфлікт застанецца ў рамках грамадзянска-прававых адносін.
«Пры звароце ў суд варта ўлічваць асаблівасці заключанага дагавора, з якога можа выцякаць абавязак захавання прэтэнзійнага парадку. У залежнасці ад устаноўленых абставін, а таксама статусу асобы, якая аказвала турыстычныя паслугі (турагент альбо фізасоба), будзе вынесена адпаведнае рашэнне», — тлумачыць юрыстка Юлія Емяльянава.
«Дамова аказання турпаслуг заключаецца паміж заказчыкам і выканаўцам у адпаведнасці з зацверджанай тыпавой формай дамовы, выключаць асобныя палажэнні якой не дапускаецца», — удакладняе юрыст.
Ці можна неяк засцерагчы сябе?
- Лепш звяртацца ў правераныя кампаніі, уважліва ставіцца да вельмі танных тураў.
- Варта праверыць дамову, якую прапануецца падпісаць.
- Зноў жа з 1 студзеня ёсць новае правіла: турысты заключаюць дамову непасрэдна з тураператарам (выканаўцам), а агенцтва працуе як пасярэднік.
- Аплата — праз банк або касу турагента, грошы на нечую карту лепш не пераводзіць.
- Калі ёсць сумневы, ці аформіў турагент бронь, можна ўдакладніць гэта ў тураператара.
«Падумала, што мяне дэпартуюць у Беларусь». Як беларуска падарожнічае па ЕС з жэнеўскім пашпартам і дзе ў яе ўзніклі праблемы
Венгрыя? Італія? Ці Грэцыя? Дзе можна хутка і лёгка аформіць шэнгенскую візу
«Іх дэпартуюць, візы анулююць». Каля 40 беларускіх турыстаў, што ехалі ў Іспанію, затрымалі ў Германіі
Беларусы паехалі ў Грузію на аўтобусе і прастаялі на расійска-грузінскай мяжы 24 гадзіны
З Расіі прыехала выкрываць «міф пра Курапаты» гісторык, якая перапісвае гісторыю Катынскага расстрэлу на карысць чэкістаў2
Каментары
14,500 $ и 5,100 $ -- это что за астрономические суммы на отдых? Или там так много 'близких'?
Рэдакцыя анлайнера (і НН за ёй) відавочна жадае нас прынізіць.