За рэпосты будуць судзіць работніцу хуткай з Сянна. Летась яна атрымала дыплом на рэспубліканскім конкурсе
Эльвіра Конышава займаецца навукай — вывучае падлеткавыя суіцыды.
Фота: сацсеткі
Імя Эльвіры Конышавай з'явілася ў раскладзе суда Віцебскага раёна. Судзіць дзяўчыну будуць за рэпост.
Эльвіра скончыла Аршанскі медкаледж і Віцебскі дзяржуніверсітэт. Вышэйшую адукацыю яна атрымлівала па псіхалогіі і сацыяльнай педагогіцы, піша «Віцебск, я гуляю».
У ВНУ медык займалася вывучэннем падлеткавых суіцыдаў у родным Сенненскім раёне. Летась яе навуковая праца на гэтую тэму ўзяла дыплом 1 катэгорыі на рэспубліканскім конкурсе.
Разглядаць справу Эльвіры будзе вядомы сваімі палітычнымі прысудамі суддзя Міхаіл Зубеня.
У канцы ліпеня ў Сенненскай бальніцы правялі рэйд па тэлефонах медыкаў. Паведамлялася, што ў пяці медработнікаў знайшлі экстрэмісцкія матэрыялы.
Каментары