Міністэрства абароны пачало тактыка-спецыяльнае вучэнне з прадстаўнікамі афіцыйных медыя «Ваенкар-2024». Яно праводзіцца на базе вайсковай часткі сіл спецаперацыі.
![](http://d3kcf2pe5t7rrb.cloudfront.net/img/w840d4webp1/photos/z_2024_08/photo_2024-08-19_13-11-57-686ge.jpg.webp)
На вучэнні пусцілі 25 ваенкараў. Іх навучаць навыкам працы ў зоне баявых дзеянняў. У план падрыхтоўкі ўключаны: агнявая падрыхтоўка, сувязь і радыёперамовы, рукапашны бой і самаабарона, асновы ваеннай тапаграфіі, інжынерная, медыцынская і псіхалагічная падрыхтоўка, паведамляе Мінабароны.
Ваенкарам выдалі ваенную экіпіроўку, размясцілі ў намётавым лагеры і размеркавалі па аддзяленнях.
«Прадстаўнікі СМІ будуць жыць па вайсковым распарадку дня, а іх навучаннем будуць займацца найлепшыя інструктары вайсковай часткі сіл спецыяльных аперацый Узброеных сіл», — паведамілі ў прэс-службе Мінабароны.
![](http://d3kcf2pe5t7rrb.cloudfront.net/img/w732d4webp1/photos/z_2024_08/photo_2024-08-19_13-11-55-javhw.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_08/photo_2024-08-19_13-11-59-1w69g.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_08/photo_2024-08-19_13-12-01-xdx8s.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_08/photo_2024-08-19_13-12-07-ht2v6.jpg.webp)
Каментары