На БТ запусцілі шоу «Добры вечар!» Госця першага выпуску — зорка расійскага шансона Віка Цыганова
Цяпер увечары па суботах на «Беларусь 1» будуць паказваць сямейна-музычнае шоу.
![](http://d3kcf2pe5t7rrb.cloudfront.net/img/w840d4webp1/photos/z_2024_07/3-evukf.jpg.webp)
Белтэлерадыёкампанія робіць чарговую спробу стварыць суботняе вечаровае шоу. Папярэдняе падобнае шоу «Макаёнка, 9» з Яўгенам Перліным выходзіла з 2018 да 2020, але пасля пачатку масавых пратэстаў вядучы звольніўся, таму праект закрыўся натуральным чынам. Зрэшты, кіраўніцтва БТ даводзіла, што ў «Макаёнка, 9» былі катастрафічна нізкія рэйтынгі, таму, маўляў, ад праекта ўсё адно збіраліся адмаўляцца.
Так ці іначай, цяпер увечары па суботах на «Беларусь 1» будуць паказаць сямейна-музычнае шоу «Добры вечар!»
![](http://d3kcf2pe5t7rrb.cloudfront.net/img/w732d4webp1/photos/z_2024_07/1-2yqhe.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/2-h8blg.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/4-hz4ol.png.webp)
Час абраны нечаканы — ажно 21:40, пасля «Панарамы». Мяркуецца, што гледачы будуць слухаць песні, разбаўленыя размовамі ў студыі, да 23:25. Але калі праз доўгія прамовы Аляксандра Лукашэнкі «Панарама» зацягнецца, сямейныя песні могуць зацягнуцца і да апоўначы.
Што ўяўляе сабой «Добры вечар»? Гэта пасядзелкі музыкантаў у студыі разам з вядучым Дзянісам Пацэвічам.
На працягу праграмы выконваецца каля 10 песень, пераважна выступаюць удзельнікі розных сезонаў «Фактар.BY». Галоўная запрошаная зорка ў прэм’ерным выпуску — расійская шансон-спявачка Віка Цыганова.
Каментары