Салістка «Начных снайпераў» звалілася з балкона падчас выступу ў Санкт-Пецярбургу
Дзіяна Арбеніна выконвала песню, ідучы па балконе ў клубе А2.
Фота: тэлеграм-канал Дзіяны Арбенінай
Раптам яна спатыкнулася і амаль упала з балкона ў залу, паведамляе Shot.
Гледачы паспелі ўхапіць яе за рукі і пад рукі. Потым Арбеніну зацягнулі назад на балкон. Яна працягнула выконваць песню.
Арбеніна потым падзякавала фанатам, назваўшы выступ адным з найлепшых.
«Найлепшыя людзі. Сёння, калі падала з балкона, яшчэ раз у гэтым пераканалася. Гэта чума», — пракаментавала яна ўчорашні інцыдэнт.
Дзіяна Арбеніна нарадзілася ў 1974 годзе ў Валожыне, нейкі час сям'я жыла ў Барысаве, а потым сям'я з'ехала на Крайнюю Поўнач Расіі.
Каментары