Грамадства66

У Каліфорніі выратавалі мужчыну, які без нічога згубіўся ў лесе і блукаў там 10 дзён. А выжыў дзякуючы чаравікам

Мужчына не меў пры сабе ні вады, ні ежы, бо думаў, што ідзе «на трохгадзінны пешы шпацыр».

34-гадовы жыхар штата Каліфорнія (ЗША) Лукас Маккліш згубіўся ў лесе і блукаў па ім 10 дзён. Яго знайшлі мясцовыя праваахоўнікі.

Мужчына не меў пры сабе ні вады, ні ежы, бо думаў, што ідзе «на трохгадзінны пешы шпацыр», піша The Washington Post са спасылкай на мясцовыя ўлады.

Вядома, што Лукас выйшаў з дому раніцай 11 чэрвеня. Калі праз некалькі дзён ён не вярнуўся, яго блізкія забілі трывогу. Паліцыя пачала пошукі зніклага.

У заяве пажарнай службы акругі Сан-Матэа гаворыцца, што некалькі сведак чулі просьбы Маккліша аб дапамозе. Таму мужчыну шукалі з дапамогай дронаў.

На шчасце, Лукаса знайшлі жывым і без сур'ёзных траўмаў. На фота з месца здарэння, якое апублікавалі ў сацсетцы Х, відаць, як шчаслівы мужчына абдымае сваіх родных.

Мясцовым СМІ ён распавёў, што выратавалі яго … паходныя чаравікі, з якіх ён на працягу 10 дзён піў ваду.

«Я проста хадзіў кожны дзень. Падымаўся на каньён, спускаўся да наступнага вадаспаду, садзіўся каля яго і піў ваду са свайго чаравіка», — распавёў Маккліш.

Ён таксама дадаў, што харчаваўся дзікімі ягадамі. Аднак праз некалькі дзён ён адчуў патрэбу падсілкавацца чымсьці больш сытным. Прызнаўся, што больш за ўсё марыў пра бурыта і така (стравы мексіканскай кухні).

Каментары6

  • Acab
    24.06.2024
    умка шоснаццаты, я меркаваў, кайманаў паляваў чаравіком – сьмярдзючы бот ў пысу, зубаты задыхаецца. Аж не, бяз бота ж вады са струма не зачэрпаеш – піў ботам, а кайман чырвона кніжны, нельга есьць, толькі ён можа цябе
  • умка шоснаццаты
    24.06.2024
    Acab, ну. тое самае падумалася
  • ЯНКА
    25.06.2024
    🤲 Ён што, бязрукі быў ці безгаловы?! Чаму піў ваду з антысанітарных чаравікаў, а не — што спрэс лягічна! — са сваіх далоняў? У далонях можна ваду нават насіць, пра што пяяецца ў гэтае цудоўнай песьні:
    https://youtu.be/k5IOrw1LOZo?si=iDsQ_6TdDLZn9_4z

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →