Грамадства2020

Вайскоўцы: Супрацьпяхотныя міны «Лепесток» немагчыма раскідваць уручную

Арганізацыя былых сілавікоў Байпол, якую ўзначальвае Аляксандр Азараў, выступіла з інсайдзерскай заявай пра тое, што місіяй забойцы польскага пагранічніка было раскідванне супрацьпяхотных мін «Лепесток». Але апытаныя «Нашай Нівай» вайскоўцы называюць гэту задачу немагчымай. І вось чаму. 

«Міны «Пялёстак» («Лепесток», ПФМ-1) у колькасці каля 30 штук мігранты павінны былі раскідаць на польскай тэрыторыі для таго, каб справакаваць падрыў каго-небудзь, каб абвінаваціць Польшчу ў выкарыстанні мін супраць мігрантаў. У беларускім грамадстве загадзя запушчаны слых, што палякі замініравалі мяжу. Аднак падчас спробы прарыву мяжы міны не ўдалося пераправіць на польскі бок, адзін з мігрантаў ударыў польскага салдата 1-й бранятанкавай брыгады Матэвуша Сітака нажом, ад чаго той пазней памёр у шпіталі», — сцвярджаў Байпол.

Міна «ПФМ-1», фота: kanaldim.tv

Але адразу некалькі былых і дзейных ваенных, у тым ліку выкладчыкаў профільных устаноў, напісалі ў «Нашу Ніву», што такая версія не можа быць праўдай з фізічных прычын. 

«Мініраванне ПФМ-1 адбываецца так — гэтыя міны загружаюць у кантэйнеры, а пасля адстрэльваюць з рэактыўнай сістэмы або з авіяцыйнага носьбіта. Гэта называецца «дыстанцыйным мінаваннем». Крылы-пялёсткі міны спраектаваны для таго, каб яна ў паветры прымала такое становішча, якое дазволіць ёй правільна ўпасці і ўзвесціся (актывавацца) пры ўдары аб зямлю.

Чалавечай сілы не хопіць для таго, каб узвесці міну. А калі раскрыць яе саматужна і кінуць, то яна ўзарвецца адразу ж. Версія аб «Пялёстках» для мяне — трызненне», — расказвае чалавек, які меў справу з гэтай выбуховай прыладай. 

«Калі падысці да самой логікі — што адны мігранты кінуць 30 саматужных мін, а іншыя мігранты павінны на іх падарвацца, каб потым Мінск абвінаваціў Польшчу ва ўзвядзенні мінных палёў, — то нічога няясна. Дзе гарантыя, што на іх падарвуцца менавіта мігранты? Міны не выбіраюць, каго падарваць, а палякі са свайго боку мяжы ходзяць часцей. Не кажучы пра тое, што пры разрыве можна дакладна ідэнтыфікаваць, што за баявы сродак здэтанаваў, таму канцы ў ваду не схаваеш. І не кажучы пра тое, што саму міну лёгка заўважыць, таму польскі памежнік лёгка яе ідэнтыфікуе на зямлі», — дадаў іншы наш суразмоўца. 

Яны сыходзяцца ў меркаванні, што беларускаму грамадству рэтранслявалі чарговую канспіралагічную выдумку.

Каментары20

  • 321
    13.06.2024
    Зноў нейкая танная канспіралогія ад Азарава. Ну не маеш што сказаць па тэме - сядзі маўчы, будзеш хоць выглядаць на разумнага. Дык не...
  • Справядлівы
    13.06.2024
    [Рэд. выдалена]
  • Ганьба
    13.06.2024
    І такое трызненне ва ўсім ад людзей, што атачаюць Ціханоўскую! Азараў быў ёй прызначаны Міністрам з доступам да 200,000 чылавек у Плане Перамогу, уявіць толькі!!!

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

Замах на Дональда Трампа планаваў Іран — CNN12

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі31

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →