Намесніка дырэктара гомельскай рэкламнай тэлекампаніі знайшлі мёртвым. Сам дырэктар за кратамі за палітыку
Андрэй Віннікаў знік 1 красавіка. Як стала вядома «Радыё Свабода», сілавікі разглядаюць некалькі версій смерці.
![Рэклямная тэлекампанія «ФилТВ», архіўнае фота](http://d3kcf2pe5t7rrb.cloudfront.net/img/w840d4webp1/photos/z_2024_04/01000000-0aff-0242-8f50-08dc5f7d8e24_cx0_cy1_cw95_w1023_r1_s-ianwa.jpg.webp)
У канцы сакавіка вядомага гомельскага прадпрымальніка, заснавальніка рэкламнай тэлекампаніі «ФілТБ» Віталя Філінскага затрымала міліцыя, яго арыштавалі на 15 дзён за «распаўсюд экстрэмісцкіх матэрыялаў». Затым Філінскі атрымаў чарговыя 15 сутак.
А яго намеснік Андрэй Віннікаў знік. Ён выйшаў з дому ўначы і больш там не з'яўляўся. 18 красавіка стала вядома, што Віннікава знайшлі мёртвым. Пра гэта паведаміў атрад «Сімуран», удзельнікі якога займаюцца пошукам зніклых людзей.
Як стала вядома «Радыё Свабода», праваахоўныя органы сярод іншых версій прычын смерці Віннікава разглядаюць суіцыд.
![](http://d3kcf2pe5t7rrb.cloudfront.net/img/w732d4webp1/photos/z_2024_04/01000000-0aff-0242-ea9f-08dc5f7c3119_w650_r0_s-3dfj3.jpg.webp)
Кампанія «ФілТБ» была створаная ў 1990-х. Гэта адзінае ў Гомельскай вобласці рэкламнае агенцтва поўнага цыклу, якое займалася распрацоўкай рэкламы, выкананнем і размяшчэннем яе на тэлевізійных каналах. Кампанія шмат супрацоўнічала з дзяржаўнымі ўстановамі.
Каментары