Свет1111

«Паслугі прастытутак і дарагія гадзіннікі». Кіраўнік Міжнароднага саюза біятланістаў быў падкуплены Расіяй

Былы прэзідэнт Міжнароднага саюза біятланістаў Андэрс Бэсэбэрг атрымаў у Нарвегіі турэмны тэрмін. За што яму плаціла Масква?

Anders Besseberg Андэрс Бэсэбэрг Андерс Бессеберг
Андэрс Бэсэбэрг у 2009 годзе. Фота: AP Photo/ Lee Jin-man

Як паведамляе нарвежская дзяржаўная тэлерадыёкампанія NRK, нарвежскі суд разгледзеў матэрыялы справы 77-гадовага Андэрса Бэсэбэрга (Anders Besseberg), былога прэзідэнта Міжнароднага саюза біятланістаў (IBU). Гэты пост нарвежац займаў больш за чвэрць стагоддзя — з 1993 па 2018 год.

Бэсэбэрг быў вымушаны пакінуць сваю пасаду па абвінавачанні ў карупцыі ў 2018 годзе. У аснове яго была інфармацыя былога кіраўніка Маскоўскай антыдопінгавай лабараторыі Рыгора Родчанкава, які ўцёк у ЗША, аб тым, што Бэсэбэрг дапамагаў хаваць станоўчыя допінг-пробы расійскіх біятланістаў.

Тады ж у доме Бэсэбэрга быў праведзены ператрус, а сам ён быў дастаўлены на допыт. У доме спартыўнага функцыянера была знойдзена калекцыя з 13 гадзіннікаў люксавых брэндаў. Ён змог растлумачыць паходжанне толькі пяці з іх.

Акрамя матэрыялаў допыту абвінавачанне засноўваецца на дакументах праверкі IBU знешняй камісіяй, праведзенай у студзені 2021 года. Следства вывучыла паказанні інфарматараў, пратаколы ператрусаў, праведзеных аўстрыйскай і нарвежскай паліцыяй, а таксама справаздачу Сусветнага антыдопінгавага агенцтва (WADA).

На аснове вывучэння больш за 70 дакументаў Бэсэбэргу ў 2023 годзе выставілі абвінавачанне ў карупцыі і атрыманні хабараў.

Следчыя сцвярджаюць, што кіраўнік IBU у перыяд з 2009 па 2018 год прымаў у падарунак раскошныя гадзіннікі, эксклюзіўныя паездкі на паляванне, бясплатна карыстаўся перададзеным у лізінг аўтамабілем у абмен на сваё маўчанне, а таксама маўчанне былога генеральнага сакратара IBU немкі Ніколь Рэш па справах аб допінгу ў расійскім біятлоне.

Следства дапускае, што Бэсэбэрг таксама мог выкарыстоўваць свой уплыў на выканкам IBU, каб гарантаваць удзел расійскіх спартсменаў у зімовых Алімпійскіх гульнях у Пхёнчхане ў 2018 годзе і выбары Цюмені як месца правядзення чэмпіянату свету 2021 года па біятлоне.

Як вынікае з матэрыялаў справы, Бэсэбэрга ў яго паездках у Расію пад выглядам перакладчыцы часта суправаджала выдзеленая расійскім бокам прастытутка. Функцыянер прызнаўся, што атрымаў ад былога выканаўчага дырэктара Саюза біятланістаў Расіі Сяргея Кушчанкі гадзіннік Omega (коштам каля $18 тыс.), а ад чатырохразовага алімпійскага чэмпіёна Аляксандра Ціханава — гадзіннік Ulysses Nardin ($3,6 тыс.).

Суд таксама абвінаваціў Бэсэбэрга ў тым, што ў 2013 годзе пад выглядам паездкі ў Цюмень для агляду стадыёна, ён знаходзіўся там на паляванні. У 2018 годзе, калі гэты горад быў кандыдатам на правядзенне чэмпіянату свету па біятлоне, паездка на паляванне паўтарылася.

Акрамя гэтага, Бэсэбэрг здзейсніў шэраг паездак на паляванне ў Аўстрыю і Чэхію. Яны былі прафінансаваныя кампаніямі і ключавымі людзьмі, якія заключылі маркетынгавыя дамовы з IBU. А выдаткі на лізінг аўтамабіля BMW 2011 коштам каля 80 тысяч даляраў узяла на сябе медыякампанія Infront.

Сам Бэсэбэрг усе шэсць гадоў адмаўляў абвінавачанні ў карупцыі, хоць і прызнаў, што карыстаўся паслугамі прастытутак, якім сапраўды не плаціў.

У гэтую пятніцу былы прэзідэнт Міжнароднага саюза біятланістаў быў прызнаны вінаватым па справе аб карупцыі па васьмі пунктах абвінавачання. Суд прыгаварыў яго да 3 гадоў і 1 месяца турэмнага зняволення.

Каментары11

  • Лёлік з-пад Лімасола
    12.04.2024
    не можа такога быць! ніколі такого не было! можа троха больш трэба калыхнуць усіх гэтых спартовых бюракратаў?
  • деньги в счёт
    12.04.2024
    ад чатырохразовага алімпійскага чэмпіёна Аляксандра Ціханава — гадзіннік Ulysses Nardin ($3,6 тыс.).

    что-то дёшево, у агрофюрера за 17 000 долларов, у Франка за 9 000 доларов. Тут разбираться надо.
  • Прастытутка
    12.04.2024
    Як усё прымітыўна

Дар‘я Лосік выйшла на свабоду па памілаванні7

Дар‘я Лосік выйшла на свабоду па памілаванні

Усе навіны →
Усе навіны

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж6

Старшыня Генштаба Вялікабрытаніі заявіў, што ёсць толькі тры гады, каб падрыхтавацца да вайны з альянсам дыктатур7

Машыну намесніка начальніка вайсковай часці ўзарвалі ў Маскве. Вайскоўцу адарвала ступні2

У Трампа быў эфектыўны козыр супраць Байдэна. Цяпер ён можа вярнуцца бумерангам 3

«Сімпсаны» яшчэ ў 2000 годзе прадказалі, што Камала Харыс стане прэзідэнтам?2

«Радуйцеся, с*кі!» Чым скончыўся скандал паміж гінекалагіняй-блогеркай і пацыенткай прыватнага медцэнтра?17

99-гадовы беларус вырашыў атрымаць пасведчанне аб нараджэнні

больш чытаных навін
больш лайканых навін

Дар‘я Лосік выйшла на свабоду па памілаванні7

Дар‘я Лосік выйшла на свабоду па памілаванні

Галоўнае
Усе навіны →