Сюррэалістычны ролік беларусаў збірае мільёны праглядаў у заходнім твітары
Нечаканыя пераходы і непраўдападобныя рашэнні робяць відэа падобнымі да нашых сноў.
Першым ролік беларусаў у твітары запосціў партугаламоўны акаўнт Serafim, які збірае мемы і смешныя відэа. Відэа суправаджае подпіс: «Сны заўсёды маюць сэнс» /
Мае сны».
І сапраўды, сюжэт роліка вельмі нагадвае чалавечыя сны, дзе логіка апавядання і законы фізікі саступаюць на другі план перад яскравасцю вобразаў.
Hahahahah pic.twitter.com/BlvYFH4Jfy
Ён пачынаецца з таго, што нага хлопца заціснута паміж рэйкамі, а насустрач заднім ходам рухаецца цягнік. Каб пазбегнуць немінучай смерці, ён вымае з бананкі на поясе ржавую пілу і пачынае пілаваць сабе нагу. Ад гэтай справы яго адцягвае дзяўчына, якая просіць патэлефанаваць, хлопец працягвае ёй стацыянарны дыскавы тэлефон, па якім дзяўчына пачынае абмяркоўваць свае справы з сяброўкай.
Калі хлопец просіць яе паскорыцца, бо яго вось-вось саб'е цягнік, дзяўчына нацягвае балаклаву і збягае з тэлефонам. На дапамогу прыходзіць каўбой, які ласо захоплівае злодзейку, раскручвае вакол сябе, пляскае аб зямлю і з разгону падае на яе. Падняўшыся на ногі, каўбой лоўкім ударам пасылае галаву дзяўчыны ў футбольную браму, але не забівае, бо яе ловіць брамнік.
Твіт з гэтым відэа ўжо сабраў 3,6 мільёна праглядаў. Але сапраўдную папулярнасць яно здабыла ў сацсетцы, калі яго пераапублікаваў англамоўны мемны акаўнт Enez Özen (@Enezator). Тут колькасць праглядаў роліка дасягнула ўжо 22 мільёнаў, а рэпосты і лайкі лічацца дзясяткамі тысяч.
Незвычайны ролік хлопцы з «ЖИГУЛЕТ» запісалі яшчэ ў ліпені. Мяркуючы па краявідах, большасць сваіх відэа яны здымаюць у Бабруйску. Кожны з іх адрозніваецца сюррэалістычнасцю — настолькі непраўдападобнай, але так пераканаўча знятай, — што мозг не заўсёды паспявае зразумець, што так не можа быць — усё ж ён сам нярэдка генеруе такі ж кантэнт па начах.
У роліках бабруйскіх хлопцаў кафэ рабуюць з дапамогай фена, па тэлефоне размаўляюць праз навушнік і эстрадны мікрафон, дамафон узломваецца праз ноўтбук, бакал дзіўнага смузі пераносяць у чамадане, а дзверы могуць весці зусім не туды.
Кто-то видит всё…
Самы папулярны ролік «ЖИГУЛЕТ» у ціктоку набраў за паўгода ўжо больш за 7 мільёнаў праглядаў, але да твітарскай славы яму пакуль далёка.
«Наша Нiва» — бастыён беларушчыны
ПАДТРЫМАЦЬ
Каментары