Свет1010

Апублікаваная перапіска супрацоўніка ФСБ, які сачыў за беларусамі

Хто з беларусаў патрапіў у поле зроку?

У распараджэнні выдання «Медуза» аказалася перапіска супрацоўніка ўпраўлення ФСБ па абароне канстытуцыйнага ладу Сяргея Дубава за перыяд са снежня 2007-га (тады ён яшчэ быў студэнтам) па красавік 2022 года.

Як сцвярджае выданне, кар'еру ў спецслужбе Дубаў пачаў з таго, што сачыў за «нацыянальнымі меншасцямі». Пад выглядам студэнта ці «зацікаўленага слухача» хлопец прыходзіў на мерапрыемствы, у якіх удзельнічалі прадстаўнікі беларускай і ўкраінскай дыяспары. Ён не толькі слухаў іх выступленні, але і збіраў базу карысных кантактаў.

Сярод іх быў старшыня грамадскай арганізацыі «Федэральная нацыянальна-культурная аўтаномія беларусаў Расіі» (ФНКА) Сяргей Кандыбовіч.

З перапіскі вынікае, што Кандыбовіч ведаў, што Дубаў працуе ў спецслужбе, і свядома дапамагаў.

Кандыбовіч шмат гадоў перасылаў яму сваю працоўную перапіску са знаёмымі беларусамі і ўзгадняў з ім тэксты сваіх выступаў аб узаемаадносінах дзвюх краін.

У адказ супрацоўнік ФСБ наракаў, што і ў Расіі, і ў Беларусі «прапагандуюцца еўрапейскія каштоўнасці», падкрэсліваў, што рускія і беларусы — гэта «адзін народ» і прасіў Кандыбовіча часцей публічна казаць аб «спробах нацыяналістычных сіл сфальсіфікаваць гістарычнае мінулае».

Сяргей Кандыбовіч Сергей Кандыбович Sergey Kandybovich
Сяргей Кандыбовіч. Фота: старонка Сяргея Кандыбовіча ў фэйсбуку

«Мая задача — не дапусціць размывання ідэі пабудовы Саюзнай дзяржавы», — цытуе выданне перапіску Дубава.

У сакавіку 2018-га Дубаў і Кандыбовіч узгаднілі тэкст паклёпу на польскага журналіста Томаша Мацейчука, які вызначаўся сваімі праўкраінскімі выступамі падчас ток-шоу на расійскіх каналах. Сам жа Дубаў на момант складання даносу меў заключэнне экспертызы допісаў Мацейчука ва «УКантакце». Спецыяліст, якая складала дакумент, таксама ўзгадняла тэкст з фээсбэшнікам.

У выніку праз некалькі месяцаў па расійскім адрасе Мацейчука прайшоў ператрус, а самому журналісту забаранілі ўезд у Расію.

Выданне адзначае, што Дубаў неаднойчы атрымліваў непасрэдна ад адміністрацыі «УКантакце» інфармацыю аб кантактах, якія яго цікавілі.

Да работы па «абароне» канстытуцыйнага ладу супрацоўнік ФСБ далучаў і іншых людзей, з якімі знаёміўся. Напрыклад, малавядомаму падмаскоўнаму журналісту Івану Анісімаву ён даручыў увайсці ў давер да беларуса Івана Сопава, які пад нікам «Генрых Ліцвін» быў адміністратарам такіх суполак «УКантакце», як «Гістарычныя і палітычныя спрэчкі» і «Балта-Чарнаморскі саюз».

«Зможаш яму сябрам стаць, спачатку шляхам перапіскі? Памацаць знутры гэтага шныра? Калі да іх падкрасціся, будзе шыкоўна», — цытуе выданне вытрымку з перапіскі Дубава з Анісімавым у студзені 2015-га.

Праўда, аперацыя хутка правалілася. Як прызнаўся ў адным з электронных лістоў Анісімаў, ён напіўся і стаў пісаць Сопаву розную лухту. У выніку яго забанілі. Але на вынік справы гэта не паўплывала. У маі 2016-га Сопаў быў затрыманы. Пазней яго ўключылі ў «пералік тэрарыстаў і экстрэмістаў», але затым выключылі.

Чытайце яшчэ:

Расійская разведка вырашыла пагуляцца ў «Ніка і Майка». Апублікаваныя «сакрэтныя данясенні» яе агентаў

«Слова пацана» і іншыя расійскія хіты здымалі ў рамках падтрымкі Пуціна на выбарах

Крэмль разаслаў музычным прадзюсарам новы чорны спіс расійскіх музыкаў. Іх ажно паўсотні

Каментары10

  • Андрэй
    09.04.2024
    Пазняк мае рацыю
  • Шчыры Беларус
    09.04.2024
    Gorliwy Litwin , я табе скажу, прычым тут руская вера да РПЦ? Ці ўвогуле супраць праваслаўя? Дык нагадаю, што гэта адная з найвялікшых канфесій хрысціян. РПЦ не мае да іх ніякага дачынення, як і гэты агент ФСБ Кандыбовіч да беларусаў. Не трэба нацягваць саву на глобус
  • Стары
    09.04.2024
    Уся гэтая федеральная аўтаномія складаецца з былых і дзейных супрацоўнікаў фсб і кдб. Гэта штучная дыяспара, зробленая з чноўнікаў , звычайна выкарыстоўваецца раз на год з нагод 2 красавіка. Усе функцыянэры атрымліваюць заробак , як у маскоўскай так і ў фэдэральнай аўтаноміі. Што датычыць Кандыбовіча гэта рэдкая паскуда.У гэтай аўтаноміі няма нічога беларускага, зусім.

Удзельнік апазіцыйнага руху Віталь Лухвіч выявіўся платным міліцэйскім стукачом12

Удзельнік апазіцыйнага руху Віталь Лухвіч выявіўся платным міліцэйскім стукачом

Усе навіны →
Усе навіны

Перасаджвацца ў іншы аўтобус у чарзе на мяжы больш нельга? Здаецца, так3

Лукашэнка прапанаваў адсякаць рукі тым, хто крадзе ў сельскай гаспадарцы6

Акадэмія навук распрацавала інструкцыю па знішчэнні «экстрэмісцкіх» кніг у бібліятэках11

«Заснулі на Каліноўскага, прачнуліся на Машэрава». У Кобрыне за ноч прыбралі паказальнікі з прозвішчам Каліноўскі ВІДЭА2

Грамадзяніна Германіі прысудзілі ў Беларусі да расстрэлу15

Зніклага ў Польшчы беларуса знайшлі ў Варшаве збітым і без дакументаў10

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ32

Сусветныя цэны на каву б'юць рэкорды. Кошт вашага латэ пад пагрозай5

больш чытаных навін
больш лайканых навін

Удзельнік апазіцыйнага руху Віталь Лухвіч выявіўся платным міліцэйскім стукачом12

Удзельнік апазіцыйнага руху Віталь Лухвіч выявіўся платным міліцэйскім стукачом

Галоўнае
Усе навіны →