Грамадства1818

«Хутчэй за ўсё, ён быў п'яны». Інтэрв'ю з былой жонкай Канстанціна Кальцова, якая таксама жыве ў Маямі

Экс-хакеіст зборнай Беларусі Канстанцін Кальцоў загінуў ва ўзросце 42 гадоў. Трагедыя адбылася ў гатэлі ў Маямі, дзе спыняўся спартовец. Ён збіраўся на тэніс, каб падтрымаць сваю дзяўчыну Арыну Сабаленку, якая будзе гуляць на Miami Open.

Юлія Міхайлава з сынамі: Аляксандрам (крайні злева), Стэфанам і Даніілам, 27 лютага 2024 года. Фота: інстаграм гераіні

Учора распаўсюдзілася версія са спасылкай на паліцыю, што Кальцоў скончыў жыццё самагубствам. Але, магчыма, гэта была паспешная выснова. «Люстэрка» звязалася з былой жонкай Канстанціна Юліяй Міхайлавай, якая жыве з дзецьмі ў ЗША (і вельмі блізка ад месца здарэння), і яна распавяла дэталі трагедыі.

«Трагедыі нічога не прадвяшчала»

— Толькі што размаўляла з медыцынскім экспертам, — адзначае Юлія. — Следства ўзяло матэрыялы на таксікалагічныя аналізы. Усе вынікі будуць гатовыя на працягу месяца. У паліцыі застаўся таксама тэлефон і ноўтбук Канстанціна — да завяршэння расследавання. Проста цяпер нельга дакладна сцвярджаць, ці быў гэта суіцыд або няшчасны выпадак.

 — Якое ваша меркаванне?

— Гэта быў няшчасны выпадак. У нас застаўся стары сямейны камп'ютар з электроннай поштай Канстанціна. Я ведала паролі і ўдалося адкрыць некаторыя лісты.

У Канстанціна былі далей забраніраваныя апартаменты ў іншым месцы. Былі аплачаныя пакупкі, якія яшчэ не прыйшлі. Надоўга арандаваная машына. Гэта значыць ён не збіраўся сыходзіць з жыцця. Усякае, вядома, можа ў галаве стрэльнуць, але трагедыі нічога не прадвяшчала.

— На якім паверсе жыў Канстанцін?

— На 23-м. Гэты гатэль у Маямі, дзе ўсё здарылася, знаходзіцца прыкладна за гадзіну язды ад нашага дома.

— Вы былі там?

— Не. Збіраемся паехаць у чацвер. У гатэлі яшчэ застаўся чамадан Канстанціна з адзеннем і рэчамі.

«Канстанцін хацеў сустрэцца з дзецьмі на вячэру»

— Ад каго вы даведаліся сумную навіну?

— Ад дэтэктыва. Гэта было 18 сакавіка. Мне спачатку тэлефанавалі некалькі разоў, пыталіся, ці дома я, казалі, што хочуць нешта расказаць наконт Канстанціна. А потым прыехаў дэтэктыў. Ён стараўся, наколькі гэта магчыма, мякка паднесці навіну. Але, зразумела, у мяне быў шокавы стан… потым ён дзяліўся інфармацыяй, карэктна задаў некалькі пытанняў, патлумачыў розныя працэдурныя моманты і сказаў тэлефанаваць яму ледзь што ў любы час.

— Які эмацыйны стан вашых дзяцей?

— Складанае пытанне. Стараемся не сумаваць. Не ведаю, як яшчэ сказаць.

Старэйшым сынам, Даніілу і Аляксандру цяжэй, яны ўсё добра разумеюць. Ім 18 і 16 гадоў. Малодшаму, Стэфану, пяць гадоў. Ён думае, што тата цяпер у раі. Стэфан, праўда, спытаў, як тата памёр, але я пакуль яму не адказала. Спадчыннікам, дарэчы, тут лічыцца старэйшае дзіця, а не былая жонка ці дзяўчына.

Таму трэба будзе вазіць Данііла з сабой, каб распісвацца ва ўсіх дакументах, звязаных са справай.

— Вы збіраліся пабачыцца з Канстанцінам?

— Мы вельмі мала размаўлялі апошнім часам. У кожнага сваё жыццё, да таго ж ён працаваў удалечыні ад дзяцей (апошнія два гады Кальцоў быў памочнікам галоўнага трэнера ў клубе «Салават Юлаеў» з Уфы). Канстанцін у асноўным размаўляў з імі па тэлефоне. На гэты раз ён хацеў сустрэцца з дзецьмі на вячэру. Але Стэфан рана кладзецца спаць, нешта не атрымалася, і яны збіраліся пабачыцца пазней.

@nashaniva Ответ пользователю @user3484843178397 Сяброўка Сабаленкі Паўла Бадоса заявіла, што ведае абставіны трагедыі з Кальцовым #беларусь #нашаніва #беларусьновости #новостибеларуси #хоккейбеларусь #соболенко #чпбеларусь #хкдинамоминск ♬ Solas X Interstellar - Gabriel Albuquerqüe

«У нумары знайшлі пустыя пляшкі»

— Вас здзівіла паведамленне наконт самагубства?

— Думаю, гэта вашы калегі нешта не так зразумелі. Або выдалі здагадку паліцыі аб суіцыдзе за факт — усё ж такі людзі рэдка падаюць самі па сабе. Версію з забойствам у паліцыі адразу адкінулі — Канстанцін быў у нумары адзін. Вось і сказалі, што, магчыма, было самагубства. Але, паўтаруся, нічога не прадвяшчала, што Канстанцін збіраўся саскочыць.

— Якая карціна таго, што адбылося пасля азнаямлення з усімі дэталямі?

— Хутчэй за ўсё, ён быў вельмі п'яны. На жаль, хакеісты часам грашаць гэтым. У нумары, дзе спыняўся Канстанцін, знайшлі пустыя пляшкі з-пад алкаголю. Там быў балкон з відам на акіян. Верагодна, Канстанцін не ўсачыў за сваімі дзеяннямі.

— Вы б хацелі, каб пацвердзіўся няшчасны выпадак?

— Так. Дзецям так было б спакайней. Данііл і Аляксандр чыталі ў інтэрнэце пра самагубства і, вядома, ім не па сабе. Там і іншыя розныя версіі вылучаліся, пакуль чакала размова з медэкспертам.

«Да Сабаленкі ў мяне нармальнае стаўленне»

— Як спраўляецеся адна з усім?

— У мяне няма выбару. Выжываеш, як можаш. Па-іншаму ніяк. Раблю лепшае, што магу рабіць.

— Шмат атрымалі паведамленняў са словамі падтрымкі?

— Вельмі. Пісалі людзі з хакейнага свету, спартсмены і проста незнаёмыя. Я ўсім вельмі ўдзячная за словы і дзеянні. Напрыклад, дапамог пасол Беларусі ў Вашынгтоне, падказаў некаторыя нюансы, пракансультаваў.

— Вы хоць раз размаўлялі з Арынай Сабаленкай?

— Так, даводзілася. Прыемная дзяўчына. Мой допіс некалькі гадоў таму быў прадыктаваны эмоцыямі, было вельмі балюча. Я вельмі любіла Канстанціна… але Сабаленка добра ставілася да маіх дзяцей, таму да яе ў мяне нармальнае стаўленне.

— Дзе пахаваюць Кальцова?

— Збіраем усе дакументы, каб транспартаваць парэшткі Канстанціна ў Беларусь. Мінск — яго радзіма, там яго брат, сваякі. У мяне там шмат сяброў, я ў добрых адносінах з бацькамі Косці. Ды і ў нашых дзяцей беларускае грамадзянства (сама Юлія нарадзілася ў Латвіі). Паглядзім, як усё складзецца. Жыццё ў ЗША дарагое, не ведаю, дзе апынемся. Пакуль у дзяцей тут школа, а там будзе відаць. Даводзіцца цяпер вырашаць кучу пытанняў, з якімі раней, зразумела, не сутыкаліся.

Каментары18

  • Лол
    20.03.2024
    Пофик
  • Влад
    20.03.2024
    Зачем нам про него знать?
  • Хакей
    20.03.2024
    естественный отбор. пейте каву, чай, сок, воду.

Чаму ў Мазыры амаль двое сутак не маглі аднавіць электразабеспячэнне? І пры чым тут вайна3

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Усе навіны →
Усе навіны

Каля мяжы Польшчы з Беларуссю агрэсіўная моладзь атакавала польскіх вайскоўцаў ВІДЭА27

18-гадовага хлопца з Быхава судзяць за «здраду дзяржаве»9

У Беларусі не будуць рэагаваць на ўвядзенне Латвіяй забароны ўезду для беларускіх аўтамабіляў3

У Гродне збіраюцца правесці «своеасаблівы вальс» БТР-аў1

Лябедзька: Беларуская мова павінна стаць адзінай дзяржаўнай. Але трэба закласці пераходны перыяд19

Дзякуючы ўрагану ў Гомелі зрабілі навуковае адкрыццё3

Карбалевіч: Мінск загаварыў па-іншаму, але гэта пакуль толькі словы, дзеянняў мінімум1

Што азначаюць сігналы Лукашэнкі Польшчы і Украіне?16

Ламін Ямаль выпадкова паказаў на ВІДЭА сваіх голых калегаў4

больш чытаных навін
больш лайканых навін

Чаму ў Мазыры амаль двое сутак не маглі аднавіць электразабеспячэнне? І пры чым тут вайна3

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Галоўнае
Усе навіны →