Усяго патроху22

Унікальныя Мяднянскія ельнікі пад Брэстам скараціліся больш як у тры разы

Большая частка астраўных ельнікаў, якія растуць далёка на поўдзень ад свайго арэала, высахла за апошнія гады праз змяненне клімату.

Пажэжынскія астраўныя ельнікі. Фота: Маларыцкая раённая бібліятэка

Рашэнне аб пераўтварэнні батанічнага помніка прыроды рэспубліканскага значэння астраўныя ельнікі «Мяднянскія» ў Брэсцкім раёне прынята Міністэрствам прыродных рэсурсаў і аховы навакольнага асяроддзя 5 лютага 2024 года і сёння набыла моц.

Сёння Мяднянскія ельнікі складаюцца з двух адасобленых участкаў, плошча якіх разам складае 9,19 гектара. Гэта ў разы менш, чым было раней.

Батанічны помнік прыроды рэспубліканскага значэння быў створаны ў 2007 годзе, тады ягоная плошча складала 32 га. 

Але па сутнасці гэта таксама было пераўтварэнне, бо такі помнік існаваў аж з 1966 года і ў канцы 1980-х ягоная плошча складала 21,8 га. У той час тут мелася 6 участкаў зеленамошна-чарнічна-кісліцавых ельнікаў, у якіх пераважала хуткарослая карпацкая елка (Picea abies var. acuminata). Узрост елак ацэньваўся ў 70—100 гадоў, вышыня складала да 40 м, а дыяметр 0,3—0,4 м. 

Мяднянскія ельнікі. Фота: Глобус Беларусі

Унікальнасць гэтага помніка ў тым, што Мяднянскія ельнікі — гэта астраўныя ельнікі, якія растуць далёка на поўдзень ад мяжы пашырэння елкі. 

У Беларусі гэтая мяжа праходзіць па ўмоўнай лініі ад Белавежскай пушчы праз Салігорск і Рэчыцу да Гомеля, не ахопліваючы Палессе. На Палессі елка расце вельмі рэдка, у выглядзе астравоў сярод іншых парод. Астраўныя ельнікі вызначаюцца своеасаблівымі мікракліматычнымі і глебава-гідралагічнымі ўмовамі і фітацэнатычнай структурай.

Тэрыторыя Мяднянскіх ельнікаў у 2007 годзе

Помнікамі прыроды рэспубліканскага значэння абвешчаны таксама Пажэжынскія і Маларыцкія астраўныя ельнікі ў суседнім Маларыцкім раёне, а таксама Гарбавіцкія ельнікі ў Калінкавіцкім раёне і Добрушскія ельнікі ў Добрушскім раёне.

Як тлумачыла Міністэрства прыроды ў сваім абгрунтаванні, насаджэнні страчаны на агульнай плошчы 22,81 га ў выніку масавага ўсыхання елкі.

Прычынай гібелі і аслаблення насаджэнняў названыя неспрыяльныя кліматычныя і глебава-гідралагічныя ўмовы, а таксама масавыя пашкоджання ствалавымі шкоднікамі.

Разам з уздзеяннем ветралому, дрэвастой страціў біялагічную ўстойлівасць.

Елкі масава гінуць па ўсёй Еўропе — праз пацяпленне клімату ўсё больш шкоднікаў прыбывае з поўдня. У далёкай перспектыве Беларусь можа застацца без елак зусім.

«Наша Нiва» — бастыён беларушчыны

ПАДТРЫМАЦЬ

Каментары2

  • Максим Дизайнер
    20.02.2024
    Правильно. Зачем чумазым пролетариям и им потомкам, таким же чумазым тереспольским контрабасам заповедники. Закатать все в бетон, и чтобы машин по-больше!Салярачку через кордон таскать.
  • ?
    20.02.2024
    Максим Дизайнер, статью прочти, дятел. Там вообще то изменения климата главная проблема, а не Дед Мороз и Снегурочка.

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог3

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог

Усе навіны →
Усе навіны

Беларускія памежнікі знайшлі цела мігранта каля агароджы з Латвіяй2

Праект «Беларускі гаюн» спыняе працу27

Продажы Tesla на еўрапейскіх рынках сур’ёзна ўпалі — магчыма, з-за рэпутацыі Маска8

Пасол Украіны па асаблівых даручэннях Ігар Кізім пакінуў сваю пасаду6

Махляры падрабілі галасавое паведамленне ад начальніка беларускі і падманулі яе на 1500 рублёў

Міліцыя расказала, што сёння здарылася на станцыі метро «Купалаўская»3

У Мінску паўтарагадовы хлопчык адчыніў акно і выпаў з 15-га паверха5

На Алясцы знік самалёт з 10 чалавекамі на борце

Расіяне сталі набываць туры ў Беларусь у тры разы часцей, чым летась1

больш чытаных навін
больш лайканых навін

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог3

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог

Галоўнае
Усе навіны →

Заўвага:

 

 

 

 

Закрыць Паведаміць