Беларусь на 10 месцы ў свеце па ўзроўні смяротнасці. Побач іншыя постсацыялістычныя краіны
А менш за ўсё паміраюць у арабскіх краінах.
ЦРУ апублікавала свае падлікі наконт узроўню смяротнасці ў розных краінах свету па стане на 2024 год. Метадалогія не ўказваецца, звесткі часам могуць адрознівацца ад тых, што называюць статыстычныя ведамствы розных дзяржаў.
Адметна, што ў антылідарах спрэс постсавецкія краіны і краіны былога сацыялістычнага лагеру. Найгоршая сітуацыя ва Украіне, што тлумачыцца вайной. Аднак у іншых краінах рэгіёну таксама смяротнасць высачэзная. Беларусь у гэтым антырэйтынгу на 10-м месцы.
| Месца | Краіна | Смерці на 1000 чалавек |
|---|---|---|
| 1 | Украіна | 18.6 |
| 2 | Літва | 15.2 |
| 3 | Сербія | 14.9 |
| 4 | Латвія | 14.7 |
| 5 | Румынія | 14.6 |
| 6 | Венгрыя | 14.5 |
| 7 | Балгарыя | 14.2 |
| 8 | Малдова | 14.2 |
| 9 | Расія | 14 |
| 10 | Беларусь | 13.3 |
Далей не лепш — постсацыялістычныя Грузія, Эстонія, Харватыя і Польшча. Толькі на 15 месцы з'яўляецца Германія, дый і ў яе частка краіны была пад сацыялістычным кіраваннем.
Найніжэйшая смяротнасць у арабскіх краінах — Кувейт (2,3), ААЭ (1,7), Катар (1,4).
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной34
Каментары