«На мяжы нас усе ўжо ведаюць». Беларусы дзевяць месяцаў шукаюць кошку, якая згубілася на памежным пераходзе
Сям'я беларусаў ужо дзевяць месяцаў шукае ў Польшчы тайскую кошку — гадаванка ўцякла з машыны падчас надгляду на памежным пераходзе «Брэст-Цярэспаль». Да наступлення халадоў гаспадары самастойна ездзілі на мяжу, цяпер пошукамі займаюцца валанцёры, піша Most.
«На мяжы нас усе ўжо ведаюць, — расказалі гаспадары кошкі. Надзея, што гадаванка знойдзецца, растае з кожным днём. — У лесе яна проста загінула б. Так што варыянтаў няшмат: альбо яе хтосьці падабраў і аддаў у прытулак для жывёл, альбо ўжо ўсё», — усведамляюць гаспадары. Але тым не менш не здаюцца.
Згубленая кошка была чыпаваная. Аднак валанцёры і прытулкі не заўсёды скануюць чыпы жывёл — гэта ўскладняе пошукі.
За час пошукаў беларусы пазнаёміліся з людзьмі, гадаванцы якіх гэтак жа ўцякалі падчас надглядаў на мяжы. Па словах беларусаў, кожны месяц збягае хоць бы адзін кот. А гісторый са шчаслівым канцом яны не ведаюць.
«На мяжы вялікі лясны масіў. Калі жывёліна паспее туды ўцячы, то злавіць яе будзе складана. Праблема і ў тым, што гаспадар не мае права адразу ж бегчы за гадаванцам — трэба атрымаць дазвол ад памежніка. Так губляюцца каштоўныя секунды».
Звычайна жывёлы збягаюць пры праходжанні мяжы з-за стрэсу. Яны палохаюцца рэзкіх гукаў, незнаёмых людзей і нязвыклых пахаў.
«Таму мы хацелі б даць параду ўсім, хто перавозіць сваіх катоў: абавязкова прывязвайце ланцужок да пераноскі. Гэта значна знізіць рызыкі ў момант, калі вы адкрыеце машыну для памежнікаў».
Чытайце таксама:
Украінскія вайскоўцы для барацьбы з пацукамі вязуць на фронт катоў
«Мёртвая котка ў акне, а тыя, што ў жывых, елі прусакоў». Пекла ў мінскай кватэры
Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў1
Каментары
https://d3kcf2pe5t7rrb.cloudfront.net/334858