Смерць Мэцью Пэры: судмедэкспертыза прыйшла да высновы, што галоўную ролю адыграў кетамін
Іншымі спадарожнымі прычынамі смерці 54-гадовага Пэры былі названыя ішэмічная хвароба сэрца і ўздзеянне бупрэнарфіну.
Смерць акцёра Мэцью Пэры адбылася ў выніку няшчаснага выпадку, выкліканага «вострым уздзеяннем кетаміну», паведамілі медыцынскія эксперты ў Лос-Анджэлесе, піша Бі-бі-сі.
Пэры знайшлі без прытомнасці ў басейне ў яго доме ў Лос-Анджэлесе 28 кастрычніка. Медработнікі канстатавалі яго смерць, калі прыбылі на месца здарэння.
Наступнае анатаміраванне тады не дало дакладных вынікаў.
Утапленне было ўказана як фактар, які спрыяў яго смерці: ён страціў прытомнасць, што імаверна пацягнула за сабой «апусканне ў басейн», сказана ў заключэнні судовай экспертызы.
Іншымі спадарожнымі прычынамі смерці 54-гадовага Пэры былі названыя ішэмічная хвароба сэрца і ўздзеянне бупрэнарфіну, які выкарыстоўваецца для лячэння разладаў, звязаных з ужываннем апіоідаў, гаворыцца ў заяве судмедэксперта акругі Лос-Анджэлес.
Пасля выкрыцця высветлілася, што неабходная дадатковая судмедэкспертыза.
У пачатку лістапада акцёра пахавалі ў Лос-Анджэлесе; на цырымонію было запрошана толькі вузкае кола гасцей.
Пэры быў найбольш вядомы па ролі дасціпнага Чэндлера Бінга ў папулярным серыяле «Сябры».
На піку сваёй славы Пэры змагаўся з залежнасцю ад абязбольвальных лекаў і алкаголю і неаднаразова лячыўся ў рэабілітацыйных клініках.
У 2016 годзе ён распавёў, што не можа ўспомніць тры гады здымак серыяла «Сябры» з-за алкаголю і наркотыкаў.
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць32
Каментары