Афіцыйны Мінск выказаў «сур'ёзную занепакоенасць у сувязі з рэзкім абвастрэннем сітуацыі ў Ізраілі»
«Лічым непрымальнай любую праяву агрэсіі, а ахвяры сярод мірнага насельніцтва — недапушчальнымі», — падкрэслілі ў МЗС.
Беларусь выказала сур'ёзную занепакоенасць у сувязі з рэзкім абвастрэннем сітуацыі ў Ізраілі, якое суправаджаецца чалавечымі ахвярамі. Пра гэта БелТА паведамілі ў прэс-службе Міністэрства замежных спраў.
«Лічым непрымальным любую праяву агрэсіі, а ахвяры сярод мірнага насельніцтва — недапушчальнымі, — падкрэслілі ў МЗС. — Заклікаем бакі супрацьстаяння прыняць тэрміновыя меры для дээскалацыі напружанасці ў рэгіёне».
У Беларусі перакананыя ў безальтэрнатыўнасці шляху прамых перамоў для доўгатэрміновага ўрэгулявання палесціна-ізраільскага крызісу, гаворыцца ў заяве МЗС.
Разам з тым у ведамстве адзначылі, што пакуль інфармацыі аб пацярпелых грамадзянах Беларусі ў пасольства не паступала.
Пасольства Беларусі ў Тэль-Авіве знаходзіцца ў кантакце з кампетэнтнымі органамі краіны знаходжання і пастаянна адсочвае сітуацыю, паведамляе МЗС.
Як жыве і чым займаецца Крысціна Моцная — меркаваная дачка Аляксандра Лукашэнкі33
Каментары