Нідэрландскі вытворца піва Heineken абвясціў пра продаж свайго расійскага бізнэсу кампаніі Arnest Group, звярнуў увагу Reform.by.
«Угода атрымала ўсе неабходныя ўхваленні і завяршае працэс выхаду Heineken з Расіі, пачаты ў сакавіку 2022 года, што пацягне за сабой чаканую агульную сукупную страту 300 млн еўра», — гаворыцца ў паведамленні кампаніі.
Расійскі бізнэс прададзены за 1 еўра. Усе актывы, уключаючы сем бровараў, пяройдуць новаму ўладальніку. Ён узяў на сябе адказнасць за ўсіх расійскіх супрацоўнікаў Heineken, даўшы ім гарантыі працаўладкавання на найбліжэйшыя тры гады.
Акрамя брэнда Heineken, які быў выведзены з Расіі ў 2022 годзе, на працягу 6 месяцаў будзе згорнута вытворчасць Amstel. Ніякія іншыя міжнародныя брэнды кампаніі не будуць ліцэнзавацца для Расіі, за выключэннем дробных рэгіянальных брэндаў.
«Варыянту вяртання ў Расію няма», — гаворыцца ў заяве Heineken.
«Мы завяршылі свой сыход з Расіі. Апошнія падзеі дэманструюць сур'ёзныя праблемы, з якімі сутыкаюцца буйныя вытворчыя кампаніі пры выхадзе з Расіі. Хоць гэтая ўгода заняла значна больш часу, чым мы спадзяваліся, яна забяспечвае сродкі для існавання нашых супрацоўнікаў і дазваляе нам адказна пакінуць краіну», — пракаментаваў гендырэктар Heineken Дольф ван дэн Брынк.
Arnest Group — найбуйнейшы вытворца парфумерна-касметычнай і гаспадарча-бытавой прадукцыі ў аэразольнай упакоўцы.
Як вынікае з інфармацыі, размешчанай на сайце кампаніі, яна вырабляе антыперспіранты, асвяжальнікі паветра, сродкі для чысткі і мыцця, сродкі для догляду валасоў, рэпеленты і інсектыцыды, у тым ліку «Дыхлафос» i іншыя — усяго больш за 600 найменняў. Кампанія забяспечвае поўны вытворчы цыкл: ад вырабу алюмініевых ёмістасцяў да падрыхтоўкі і напаўнення аэразоляў.
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?13
Каментары