Грамадства2929

«Гэта адна з самых свабодных тэрыторый і адна з самых справядлівых». Спявак Сярога расказаў, чаму вярнуўся ў Беларусь

Спявак Сяргей Пархоменка, больш вядомы пад псеўданімам Сярога, з'явіўся на канале «Беларусь 1» у праграме «Сто пытанняў даросламу». У гэтай перадачы дзеці і падлеткі задаюць даросламу герою розныя пытанні. Сярод зададзеных было і пытанне, чаму ён вярнуўся ў Беларусь.

Сяргей Пархоменка. Скрыншот з відэа

«Мне ёсць з чым параўноўваць, бо я жыў у розных краінах. Вялікае бачыцца на адлегласці.

Я магу сказаць ад сябе, што гэта адна з самых свабодных тэрыторый і адна з самых справядлівых. І адна з тых тэрыторый, дзе я дакладна бачу, што ёсць шанец валодаць сітуацыяй у будучыні. Гэта тэрыторыя, дзе не плююць на магілы продкаў, не апаганьваюць помнікаў, не зносяць мемарыяльныя дошкі. Гэта значыць, гістарычная памяць тут ахоўваецца», — сказаў спявак.

«Я вам растлумачу, чаму гэта важна, — дадаў Сярога. — Усе свае веды чалавек чэрпае толькі з мінулага. Вось чаму па гісторыі наносіцца ўдар, гісторыя падменьваецца. А ў гэтай краіне, на гэтай тэрыторыі я бачу, што гістарычная памяць ахоўваецца. Гэтыя людзі маюць шанец».

Спявак Сярога стаў вядомы не толькі ў Беларусі, але і на ўсёй постсавецкай прасторы ў пачатку нулявых. Ён выконваў такія тагачасныя хіты, як «Чорны бумер», «Каля дома твайго», «King Ring». У 2010-я атрымаў дазвол на жыхарства ва Украіне, дзе доўга жыў і працаваў. Але пасля пачатку пратэстаў у Беларусі стаў на бок рэжыму Лукашэнкі, часта адзначаўся пралукашэнкаўскімі выказваннямі і браў удзел у праўладных мерапрыемствах.

Гаворачы пра Беларусь як пра месца, дзе беражліва ставяцца да гістарычнай памяці і ахоўваюць гістарычныя помнікі, якія б яны ні былі, спявак вельмі скажае рэчаіснасць. Бо толькі за апошнія гады беларускае грамадства даведалася і пра знішчэнне цэлага шэрага пахаванняў удзельнікаў польскага ваеннага і пасляваеннага падполля, і пра знос помніка Ларысы Геніюш у Зэльве, і пра замалёўванне фрэскі «Цуд над Віслай» у касцёле ў Солах на Смаргоншчыне, і пра знішчэнне на гістфаку БДУ пано з выявай Каліноўскага, і пра многія іншыя буйныя і дробныя факты, калі ўлады ў сферы аховы гістарычнай спадчыны паводзяць сябе проста па-варварску, а іх памочнікі з ліку прарасійскіх актывістаў фактычна атрымалі карт-бланш на знішчэнне і цкаванне ўсяго, што ім не падабаецца. 

Урэшце, нават памерлы нядаўна ў зняволенні мастак Алесь Пушкін быў асуджаны на пяць гадоў зняволення ў тым ліку за тое, што намаляваў і выставіў партрэт пасляваеннага змагара з савецкай уладай Аўгена Жыхара.

Каментары29

  • Gorliwy Litwin
    19.07.2023
    З пункту гледжання беларуса-панізоўца так і ёсць, бо менавіта іхняя канцэпцыя этыкі і эстэтыкі ў РБ і рэалізаваная.
  • :)
    19.07.2023
    Лухта.
  • .
    19.07.2023
    [Рэд. выдалена]

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Усе навіны →
Усе навіны

Латвія з 16 ліпеня забараняе ўезд машын з беларускімі нумарамі 3

Лідзія Ярмошына пра свае страхі ў 2020: З парламента прабіралася чорнымі хадамі11

У часе буры моцна пацярпелі птушкі. Адзіны ў краіне прытулак для іх не дае рады — яму патрэбная дапамога

Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg29

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

больш чытаных навін
больш лайканых навін

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Галоўнае
Усе навіны →