Здароўе88

Удар галавою? Былыя футбалісты-прафесіяналы маюць значна большую рызыку развіцця дэменцыі

Вынікі даследавання, якое правялі вучоныя Нотынгемскага ўніверсітэта, сведчаць аб тым, што ў былых прафесійных футбалістаў рызыка развіцця нейракагнітыўных расстройстваў у тры разы вышэйшая, чым у насельніцтва ў цэлым.

 jumping to hit the ball with head скачок за мячом, каб ўдарыць па ім галавою прижок за мячом, чтобы ударить по нему головой
Як сведчаць даследаванні, высокая рызыка нейрадэгенератыўных расстройстваў у прафесійных футбалістаў звязаная з практыкаю адбіцця мяча галавою. Фота: www.vecteezy.com / Federico Caputo

Даследаванне правялі па замове Англійскай футбольнай асацыяцыі і Асацыяцыі прафесійных футбалістаў.

Як піша Spiegel, падобныя вынікі атрымалі і ў ходзе іншых даследаванняў. Так, у 2019 годзе вучоныя з універсітэта Глазга і спартыўнай клінікі Хэмпдэн (Hampden Sports Clinic) з Глазга вывучылі гісторыі хваробы 7676 шатландскіх футбалістаў. Яны прыйшлі да высновы, што ў футбалістаў павышаная рызыка смерці ад дэменцыі.

Даследаванне вучоных з Швецыі паказала, што ў футбалістаў-мужчын рызыка развіцця хваробы Альцгеймера і іншых нейрадэгенератыўных захворванняў у паўтара разу вышэйшая, чым у насельніцтва ў цэлым. Даследчыкі пісалі, што прычына хаваецца ў практыцы адбіцця мяча галавою.

Новае даследаванне вучоных з універсітэта Нотынгема паказала, што ў 2,8% былых прафесійных футбалістаў, ахопленых даследаваннем, дыягнаставалі дэменцыю ці іншыя нейрадэгенератыўныя захворванні. У той час як у кантрольнай групы гэты паказчык склаў 0,9%.

Гэта значыць, што ў прафесійных футбалістаў, якія прымалі ўдзел у даследаванні, амаль у тры з паловай разу вышэйшая рызыка мець нейрадэгенератыўныя захворванні ў параўнанні з іншымі людзьмі.

Як адзначыла кіраўніца медыцынскага аддзела Англійскай футбольнай асацыяцыі Шарлота Коўі (Charlotte Cowie),

«гэта надзвычай складаны бок нашага спорту. Але мы імкнёмся да сумеснай працы з зацікаўленымі бакамі, каб дапамагчы пашырыць нашы веды ў гэтай сферы з дапамогай далейшага медыцынскага і экспертнага аналізу».

Аднак актывісты абвінавачваюць Англійскую футбольную асацыяцыю ў тым, што яна недастаткова робіць для былых прафесійных футбалістаў, якія маюць нейракангнітыўныя расстройствы.

Выданне згадвае аб тым, што сямʼя памерлага Нобі Стайлза (Nobby Stiles) і шмат хто з іншых пацярпелых абвясцілі ў канцы 2022 года, што пададуць ў суд на Англійскую футбольную асацыяцыю.

Нобі Стайлз быў удзельнікам зборнай Англіі, якая перамагла ў чэмпіянаце свету па футболе ў 1966 годзе. Ён памёр у кастрычніку 2020 года ва ўзросце 78 гадоў ад дэменцыі.

Акрамя таго, шэраг былых спартсменаў з Вялікабрытаніі і краін Садружнасці абʼядналі свае намаганні ў калектыўным пазове супраць сваіх адпаведных органаў кіравання, так зрабілі ў тым ліку гульцы ў рэгбі і футбалісты.

Дасведчанасць аб страсенні мазгоў у спорце ўзрасла пасля таго, як у 2015 годзе Нацыянальная футбольная ліга (ЗША) выплаціла 1 мільярд даляраў у якасці кампенсацыі былым гульцам з неўралагічнымі расстройствамі. З агульнай сумы былі зробленыя выплаты тысячам былых гульцоў, якія пакутавалі і скардзіліся на неўралагічныя праблемы.

Міравая дамова пазбавіла лігу ад судовага пазову праз абвінавачванне ў тым, што яна доўгі час хавала тое, што ведала аб сувязі паміж страсеннямі мазгоў і чэрапна-мазгавымі траўмамі. Быў створаны спецыяльны фонд, сродкі якога скіраваныя на аказанне паслуг больш за 20 000 пенсіянерам, якія пакутуюць ад такіх захворванняў галаўнога мозгу, як хваробы Альцгеймера і Паркінсана, а таксама дэменцыя.

У выніку шэраг спартовых органаў кіравання перагледзелі свае правілы адносна выпадкаў, якія могуць прывесці да страсення мазгоў. Напрыклад, на чэмпіянаце свету па футболе ФІФА дазволіла яшчэ адну замену звыш ліміту ў выпадку, калі гулец атрымаў траўму, што прывяла да фактычнага ці меркаванага страсення мазгоў.

Чытайце яшчэ:

Блогер Яўген Савін даў ацэнку беларускім футбалістам і паразважаў, хто мог бы стаць міністрам спорту

Склероз. Як распазнаць яго першыя прыкметы

Навукоўцы зразумелі, наколькі важны для здароўя і даўгалецця таўрын

Каментары8

  • Евгения
    12.06.2023
    Удары головой или в голову к хорошему не приводят. Не понимаю родителей, которые водят деток в мордобойные секции: бокс, карате, борьба. С детства делаете детей инвалидами.
  • грибоедова
    12.06.2023
    ну почему инвалидами
    ведь от ума только горе одно
    а без ума легко заработать бешенные бабки

  • даведка
    12.06.2023
    С детства занимаясь боевыми искусствами, мне как-то не приходилось получать удары в область головы ни в зале, ни в тёмном переулке, но при этом научили правильно падать, чтобы при падении ничего себе не сломать. Правда, уже не вспомню, когда последний раз падал, потому что благодаря приобретённым навыкам и технике не падаю даже в зимний период на обледенелых поверхностях, всегда удаётся устоять на обеих ногах. А при игре в футбол, как уже писал, головой мяч никогда не принимал и не отдавал.  

Блогерку з дзіцём не пусцілі ў рэстаран «на мінскіх Патрыках». Чакайце, дзе?5

Блогерку з дзіцём не пусцілі ў рэстаран «на мінскіх Патрыках». Чакайце, дзе?

Усе навіны →
Усе навіны

У Германіі беларус пабіўся з малдаванінам. Апошні быў парэзаны

У Індыі жэніцца сын самага багатага чалавека краіны. На вяселле патрацілі шалёныя грошы10

Лукашэнка ахвяраваў міністрам: як і за што пазбаўляліся ад самых важных чыноўнікаў яго сістэмы

Маргарыта Ляўчук выпусціла песню, якую запісала разам з мужам5

Эдуарду Бабарыку прысудзілі дадаткова больш, чым паўтара года1

Колькі беларусаў хочуць мець дзяцей, а колькі ўхваляюць разводы7

Па Віцебску пракаціўся бразільскі карнавал. Вось як гэта выглядала ШМАТ ФОТА44

Як за 20 кіламетраў ад Беларусі праходзіць фестываль Tutaka ШМАТ ФОТА12

Ілан Маск: Мяне двойчы спрабавалі забіць за апошнія восем месяцаў7

больш чытаных навін
больш лайканых навін

Блогерку з дзіцём не пусцілі ў рэстаран «на мінскіх Патрыках». Чакайце, дзе?5

Блогерку з дзіцём не пусцілі ў рэстаран «на мінскіх Патрыках». Чакайце, дзе?

Галоўнае
Усе навіны →