У аргкамітэце Міжнароднай федэрацыі футбола заявілі, што новы фармат «змяншае рызыку змовы і гарантуе, што ўсе каманды згуляюць мінімум тры матчы».
Фота: Fifa.com
З 2026 года ў фінальнай частцы турніру будзе ўдзельнічаць 48 зборных замест 32 цяперашніх. Усе яны будуць падзелены на 12 груп па чатыры ўдзельнікі ў кожнай. FIFA мае намер збалансаваць час адпачынку паміж канкурэнтнымі камандамі.
Таксама зменіцца структура плэй-оф. Зборныя, якія фінішавалі ў групах першымі і другімі, працягнуць выходзіць з груп. Але ў плэй-оф трапіць яшчэ восем каманд сярод лепшых трэціх месцаў.
Дзякуючы новаўвядзенню, стадыя гульняў на выбыванне будзе пачынацца з 1/16 фіналу.
Каментары