Здароўе22

Навукоўцы зразумелі, наколькі важны для здароўя і даўгалецця таўрын

Амінакіслата таўрын садзейнічае павелічэнню працягласці жыцця і ўмацоўвае здароўе. Утрымліваецца яна ў яйках, многіх відах рыбы і дароў мора, а таксама ў мясе, асабліва ў языку, індычцы і цёмных частках курыцы. Эфект таўрыну пацвердзілі даследаванні амерыканскіх вучоных, якія правялі эксперыменты на мышах і малпах.

рыба скумбрия fish mackerel
Таўрын утрымліваецца ў яйках, многіх відах рыбы і морапрадуктах. Фота: «Наша Ніва»

Даследаванне было праведзена групай навукоўцаў з Калумбійскага ўніверсітэта, а вынікі апублікаваныя ў часопісе Science. Каманда даследчыкаў яшчэ ў 2012 годзе звярнула ўвагу на таўрын як на патэнцыйную рухальную сілу працэсу старэння. Праведзены імі ў той час аналіз злучэнняў крыві паказаў, што ў мышэй, малпаў і людзей з узростам меншае колькасць таўрыну ў крыві. Ва ўзорах крыві людзей старэйшых за 60 гадоў яго колькасць складала толькі трэцюю частку ад узроўню ў дзяцей і падлеткаў.

Навукоўцы паспрабавалі высветліць, ці ўплывае таўрын на працэс старэння. Для гэтага яны кармілі адну групу мышэй ва ўзросце ад 14 месяцаў да канца іх жыцця таўрынам у сутачнай дозе 1000 міліграмаў на кілаграм масы цела, што павялічвала яго колькасць у іх крыві да ўзроўню ў маладых мышэй (4-тыднёвых).

Вынікі параўноўваліся з кантрольнай групай мышэй. Канцэнтрацыя раствору была атрыманая на падставе эксперыментальных даследаванняў. Мышы з абедзвюх груп мелі свабодны доступ да аднаго і таго ж корму.

Як паказаў эксперымент, мышы, якія атрымлівалі раствор таўрыну, жылі ў сярэднім даўжэй. У самак працягласць жыцця была на 12%, а ў самцоў — на 10% большая, чым у іх суродзічаў з кантрольнай групы. Для мышэй гэта роўна тром-чатыром месяцам, што прыкладна адпавядае сямі-васьмі гадам у чалавека.

Падобны эксперымент быў паўтораны з нематодамі і простымі дражджамі. Таўрын павялічыў працягласць жыцця нематод на 10—23%. А вось з дражджамі ніякіх змен не адбылося. Гэта вучоныя тлумачаць розным метабалізмам таўрыну ў арганізме.

Наступныя эксперыменты на мышах і макаках-рэзусах паказалі, што жывёлы, якія старэюць і якіх кармілі таўрынам цягам года, былі больш здаровымі за сваіх равеснікаў.

Мышы, якія атрымлівалі таўрын, набіралі менш вагі ў залежнасці ад веку, трацілі больш калорый, мелі больш моцныя косткі і мышцы, вялі сябе менш прыгнечана і трывожна. У іх была таксама меншая рэзістэнтнасць да інсуліну, а імунная сістэма — больш здаровая. Падобны эфект быў заўважаны і ў макак-рэзусаў.

Навукоўцы адзначаюць, што атрыманыя вынікі іх уразілі, але яны не ведаюць, ці можна гэтыя вынікі пераносіць на людзей. У той жа час аналіз медычных даных 12 тысяч еўрапейцаў ва ўзросце 60 гадоў і больш паказвае, што людзі з высокай колькасцю таўрыну ў крыві радзей хварэлі на дыябет другога тыпу, пакутавалі ад атлусцення і высокага крывянога ціску, а таксама мелі значна меншы ўзровень запалення. Працягласць жыцця макак-рэзусаў у 30 гадоў не дазволіла вучоным вызначыць уплыў таўрыну на працягласць жыцця.

Нягледзячы на пэўныя станоўчыя вынікі, даследчыкі звяртаюць увагу, што механізм дзеяння таўрыну на арганізм застаецца да канца не высветлены. Без сур'ёзных даследаванняў вучоныя не рэкамендуюць людзям павялічваць яго спажыванне ў выглядзе таблетак ці змены дыеты.

Таўрын цяпер дадаюць у энергетычныя напоі, але вучоныя нагадваюць, што энергетычныя напіткі, акрамя таўрыну, утрымліваюць іншыя рэчывы, ужыванне якіх у вялікай колькасці можа быць небяспечным.

У той жа час даследаванні даказалі, што ў людзей павялічваецца выпрацоўка таўрыну ў выніку рэгулярных заняткаў спортам.

Для таго, каб зрабіць вывады аб ролі таўрыну ў барацьбе са старэннем і паталогіямі, што яго суправаджаюць, вучоныя збіраюцца на працягу трох-чатырох гадоў правесці клінічныя выпрабаванні. Таксама неабходна вывучыць рызыку, звязаную з прыёмам таўрыну людзьмі.

Чытайце яшчэ:

Змена звычак запавольвае старэнне

Ужыванне незвычайнай марской істоты можа змяніць працэс старэння

Навукоўцы змаглі спыніць працэс старэння ў мышэй і навучыліся кіраваць гэтым працэсам. А што наконт людзей?

Каментары2

  • Канадец
    11.06.2023
    По ходу Red Bull финансировал исследования.
  • Reader
    12.06.2023
    Как выяснилось, метиловый спирт гораздо существеннее влияет на здоровье и продолжительность жизни. Потребители "Мистера Сидра" не дадут соврать

Што вядома пра грамадзяніна Германіі Рыка Крыгера, якому ў Беларусі прысудзілі расстрэл12

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

За два з паловай гады на мяжы Беларусі і ЕС загінулі 126 мігрантаў2

Хутка суд над мужчынам з «тэрарыстычнага спісу». Верагодна, справа тычыцца каментароў, але яму пагражае да 12 гадоў

Ігар Случак напісаў рэзкі каментар пра рускамоўных беларусаў. Не вытрымаў нават Пазняк94

Трамп афіцыйна прыняў намінацыю кандыдата ў прэзідэнты ад Рэспубліканскай партыі

Айцішніка з A1 будуць судзіць за данаты. Яму пагражае да 10 гадоў калоніі

Еўропа павінна быць гатовая да дзесяці гадоў вайны ва Украіне — генеральны сакратар НАТА2

Прыбытак КамАЗа абваліўся ў 20 разоў

Банкі зніжаюць прыбытковасць па валютных дэпазітах да 0,1%. Тлумачым матэматыку9

Чарговая ганьба беларускага футбола. «Іслач» вылецела з еўракубкаў, прайграўшы камандзе з Сан-Марына8

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл12

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →