Грамадства55

Мінтай, хек, скумбрыя… Якую рыбу любяць беларусы і адкуль яе прывозяць?

Якой рыбе аддаюць перавагу беларусы і як яна трапляе ў нашу краіну, выданню Blizko.by расказаў Дзяніс Дабравольскі, які кіруе закупкамі рыбнай прадукцыі ў кампаніі «Еўрагандаль».

Па словах Дзяніса Дабравольскага, выбар рыбы і морапрадуктаў залежыць ад цаны і сярэдняга кашалька, якім валодае беларуская сям'я. Грунтуючыся на штомесячнай рэалізацыі ў гандлёвай сетцы «Еўраопт», можна выдзеліць топ-6 найменняў.

Першае месца займае мінтай — рыба з сямейства трасковых.

На другім месцы хек, які закупляецца з Канады і ЗША. Праўда, цяпер з-за санкцый ЗША непасрэдных паставак не вядуць.

Трэцюю і чацвёртую пазіцыі займаюць скумбрыя і селядзец.

Пятае месца можна аддаць сёмзе і стронзе.

Шостае месца займае тунец — за апошнія гады ён у некалькі разоў вырас па колькасці спажывання, і ў выніку павялічылася колькасць паставак у краіну.

Пры гэтым, каментуючы пятую пазіцыю, то-бок сёмгу і стронгу, спецыяліст адзначае, што сямейства ласасёвых, да якога яны належаць, мае шэсць відаў рыбы ў жывой прыродзе, і ловяцца яны найперш на расійскім Далёкім Усходзе.

«Гэта так званы далёкаўсходні асартымент, да якога належаць гарбуша, кета, нерка, кіжуч, чавыча і галец. Гэта тыя віды ласасёвай рыбы, якія вельмі карысныя і смачныя, таму, без залежнасці ад цаны, хоць часцяком яны таннейшыя за стронгу ці ласося, я ім аддаю перавагу, калі ўбачу на прылаўку», — кажа Дзяніс Дабравольскі.

Ласось і стронга гадуюцца штучна і таму менш карысныя, чым пералічаныя шэсць відаў рыбы. Праўда, тэндэнцыя такая, што большасць спажыванай рыбы ў найбліжэйшыя 50—100 гадоў так ці іначай будзе гадавацца штучна, бо акіян актыўна забруджваецца.

Рэгіёны паставак рыбы ў Беларусь цяпер дастаткова шырокія. Перш за ўсё гэта рэгіён Баранцава і Паўночнага мораў. Да іх адносіцца Нарвегія, трохі Ісландыя і Фарэрскія астравы.

«Калі мы глядзім на аб'ёмы і віды базавай рыбы, якая завозіцца, то два асноўныя рэгіёны паставак — гэта Японскае і Баранцава мора.

Калі казаць пра краіны, то на першым месцы па аб'ёмах паставак будзе Расія — адтуль да нас прыязджае прыкладна 50% рыбы, затым Нарвегія з часткова Ісландыяй і Фарэрскімі астравамі, пасля іх Канада і ЗША, якія пастаўляюць хека, 40 відаў марскога акуня і розныя віды палтуса і камбалы».

У амерыканскі сегмент паставак таксама ўваходзяць Аргенціна і Уругвай, адтуль таксама пастаўляецца хек. А з Новай Зеландыі, напрыклад, імпартуюцца такія не зусім тыповыя віды рыбы, як ядомая акула-прывід, 3—4 віды доры і чырвоная траска.

Што тычыцца лагістыкі паставак, то ўся рыба ў Беларусь, калі гэта не Мытны саюз, гістарычна завозіцца праз адзін Клайпедскі порт у Літве.

Каментары5

  • Жвір
    25.03.2023
    А на стаўрыду нашы людзі ўжо даўно забыліся. :) А сарданэлу ці памятае хто ? Макрурус, палтус, пеламіда, каранкс, прэстіпома, акунь, сайда, камбала, дарада, негрыда, путасу, макрурус... Ай, забудзьцеся.
  • даведка
    25.03.2023
    Потому что минтай самый дешёвый, на акциях его цена до 6 рублей, хек в полтора раза дороже, скумбрия в основном на реализации в копчёном виде около 20 рублей за кг,  горбуша вообще не упомянута в статье, потому что из-за санкций подрожала раза в три до 18-19 рублей... Хотя ещё год назад стоила на уровне хека и чуть дороже минтая.
  • SHOS
    25.03.2023
    А как же мойва жареная? Эх... Вкусно!

Немец, прысуджаны да расстрэлу, датычны да дыверсій? Вось што за гісторыя гэта магла быць

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

У Львове стралялі ў палітыка Ірыну Фарыён. Яна ў крытычным стане18

МЗС Германіі пацвердзіў інфармацыю пра смяротны прысуд свайму грамадзяніну ў Беларусі5

Кіраўнік «Белсата» адказаў на абвінавачанні ў фінансавых злоўжываннях на канале

Заснавальнік Яндэкса даў першае інтэрв’ю пасля ўцёкаў з Расіі. Прызнаў свае памылкі10

У Ваўкавыску затрымалі маці і цётку анархіста Францкевіча. Яны прывезлі палітвязню перадачу4

Пра што маўчаў Пётра Сергіевіч2

У Мінску ўчора затапіла салон прыгажосці. Ён цалкам сышоў пад ваду ВІДЭА1

Андрэю Кудзіку з Вілейкі далі яшчэ чатыры гады калоніі1

У Дняпры ў рыбе завёўся страшны паразіт. Пераходзіць на чалавека!1

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →