Свет55

Пасол ЗША пры АБСЕ: Рэжым Лукашэнкі павінен быць прыцягнуты да адказнасці за ўнутраныя рэпрэсіі і знешнюю агрэсію

Амбасадар ЗША пры АБСЕ Майкл Карпентэр выступіў на брыфінгу, прысвечаным гадавіне пачатку поўнамаштабнай расійскай агрэсіі супраць Украіны. Амерыканскі дыпламат гаварыў пра масавыя ваенныя злачынствы Расіі ў дачыненні да ўкраінскіх вайскоўцаў і мірных жыхароў, але сярод іншага закрануў і беларускае пытанне, піша Reform.by.

Майкл Карпентэр са Святланай Ціханоўскай. Фота: @USAmbOSCE

Адказваючы на пытанне журналіста выдання Reform.by пра адказнасць рэжыму Лукашэнкі ў агрэсіі супраць Украіны, дыпламат сказаў:

«Прыцягненне вінаватых да адказнасці — гэта ключавы аспект дзейнасці АБСЕ і таго, чаго хочуць дамагчыся ЗША па выніках гэтай вайны. 

Як вы ведаеце, беларускія вайскоўцы фізічна не прысутнічаюць ва Украіне, аднак беларуская тэрыторыя выкарыстоўваецца як пляцоўка для ўдараў па Украіне, для запуску ракет — якіх было выпушчана вельмі шмат на працягу гэтай вайны. Асабліва на пачатковым яе этапе Беларусь была адным з ключавых фактараў гэтай вайны, калі расійскія войскі спрабавалі захапіць Кіеў.

Таму важна імкнуцца да таго, каб і беларускае кіраўніцтва было прыцягнута да адказнасці за дапамогу ў агрэсіі супраць Украіны», — сказаў ён.

Акрамя таго, Майкл Карпентэр сказаў пра рэпрэсіі рэжыму Лукашэнкі ў дачыненні да беларускага народа, а таксама адзначыў, што ЗША працягнуць пошук рычагоў для прыцягнення беларускага кіраўніцтва за ўнутраныя рэпрэсіі і знешнюю агрэсію:

«Магу сказаць, што ЗША працягнуць пошук шляхоў павелічэння санкцыйнага ціску на рэжым Лукашэнкі і іншых сродкаў прыцягнення яго да адказнасці — як за ўнутраныя рэпрэсіі, так і за ягоны ўдзел у замежнай агрэсіі, якую Расія пачала супраць Украіны», — сказаў дыпламат.

Каментары5

  • Лінкальн
    10.02.2023
    Дзядзька Сэм, дапамажы расціснуць нарэшце гэтых тараканаў, катаў у закарэлых ад крыві мундзірчыках, мафіёзную тлустую хеўру, працаўнікоў ротам і прочых аматараў лагернай стабільнасці.
  • Fungi
    10.02.2023
    и как вы это сделаете? у него в инвестиционных фондах в арабских эмиратах миллиарды. почему не конфисковываете? только языком трепать можете. 
  • Бейбандеру
    11.02.2023
    [Рэд. выдалена]

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

Памёр беларускі саксафаніст Віталь Ямуцееў

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →