За гэтую рэзалюцыю прагаласавалі ўсе 88 дэпутатаў парламента (Рыйгікогу), паведамляе «Настоящее время».
Рэзалюцыя ўтрымлівае безумоўнае асуджэнне як самога факту нападу на Украіну, так і галоўных яе дэталяў — удараў па мірных будынках і гібелі мірных людзей, анэксіі тэрыторый і псеўдарэферэндумаў. У дакуменце таксама ўтрымліваецца патрабаванне выключыць Расію з Рады бяспекі ААН.
Некалькі найбольш радыкальных патрабаванняў былі выключаныя з рэзалюцыі. Гэта, напрыклад, заклік да ЕС разарваць дыпламатычныя адносіны з Расіяй, не даваць палітычны прытулак і высылаць тых, хто збег ад мабілізацыі.
Згадваецца ў рэзалюцыі і Беларусь.
«Рыйгікогу заклікае дзяржавы — члены Еўрапейскага саюза праявіць адзінства ў прымяненні эканамічных санкцый, накіраваных супраць Расійскай Федэрацыі і яе саюзніка Беларусі, і санкцый у дачыненні да асобных асоб, а таксама сачыць за строгім выкананнем уведзеных раней санкцый», — гаворыцца ў рэзалюцыі.
Раней аналагічную рэзалюцыю прыняў парламент Латвіі.
Ціханоўская павіншавала твітар з гадавінай бітвы пад Оршай. І тут пачалося6
Каментары