Навука і тэхналогіі22

Ці можна лічыць створаныя штучным інтэлектам карціны мастацтвам? Вось некалькі аргументаў

Штучны інтэлект у сферы мастацтва — найноўшая і самая дзіўная форма творчасці. Мастацтву штучнага інтэлекту прадракаюць прайсці такі самы шлях, які ў свой час прайшоў Эндзі Уорхал.

Фота: Pixabay

Усё большую папулярнасць у свеце набываюць інструменты штучнага інтэлекту, якія пераўтвараюць тэкст у малюнак. Яны выкарыстоўваюць шырокія базы даных існуючых выяў (фота, малюнкаў, карцін). 

Выданне The Atlantic расказвае пра самыя вядомыя з іх на сёння: DALL-E 2 ад OpenAI, Midjourney і Stable Diffusion. Вынікі іх працы могуць уражваць: рэалістычныя сцэны на вуліцах, горы з клубнічнага марозіва ў космасе. Праграма Stable Diffusion атрымала мільённага карыстальніка ўсяго праз месяц пасля запуску, і прынамсі столькі ж людзей выкарыстоўваюць DALL-E 2.

Некаторыя мастацтвазнаўцы кажуць, што такой з'явы, як «мастацтва штучнага інтэлекту», проста не можа існаваць. Маўляў, тут няма ніякага мастацкага выказвання, а проста націсканне на кнопкі.

Але такія думкі не новыя: гэтак сама казалі і пра фатаграфію, якую называлі «смяротным ворагам» мастацтва. Спатрэбіліся дзесяцігоддзі, каб фатаграфію прызналі відам мастацтва.

Пра некаторыя важныя мастацкія творы ХХ стагоддзя казалі гэтак жа грэбліва, напрыклад, пра творы Эндзі Уорхала.

Азіраючыся назад, становіцца ясна, што машыны не замянілі мастацтва — яны проста пашырылі яго. Праз іх з'явіліся новыя і цудоўныя рэчы. Таму лагічным выглядае, што штучны інтэлект не заменіць саму творчасць, а проста зменіць прыроду творчасці, як гэта робяць машыны з моманту з’яўлення і да сёння.

Жан-Франсуа Ліятар, французскі філосаф і тэарэтык літаратуры, пісаў: «Банкі даных — гэта энцыклапедыя заўтрашняга дня. Яны перавышаюць магчымасці кожнага з іх карыстальнікаў. Яны з’яўляюцца «прыродай» для постмадэрнісцкага чалавека». Таму штучны інтэлект у творчасці можна назваць мастацтвам велізарных культурных архіваў, у якіх мы ўжо жывём.

Музычнае відэа, створанае з дапамогай штучнага інтэлекту

Мастацкі кіраўнік Louis Vuitton Вірджыл Абло сфармуляваў «правіла трох адсоткаў». Абло сцвярджаў, што трэба дадаць толькі тры адсоткі карэкціроўкі да ўжо існуючай канцэпцыі, каб згенераваць культурны ўнёсак, які будзе лічыцца інавацыйным.

Абло сцвярджаў, што сутнасцю мастацтва ў ХХІ стагоддзі з'яўляецца не арыгінальнасць, а рэканфігурацыя.

AI-творчасць ужо спарадзіла лавіну малюнкаў. З’явіўся рынак падказак, дзе вы можаце купляць і прадаваць фразы для ўводу ў штучны інтэлект: напрыклад, за 1,99 даляра вы можаце атрымаць тэкставае апісанне для ўводу ў DALL-E 2. 

Ёсць таксама сур'ёзныя мастакі, якія эксперыментуюць з тэхналогіямі. Кінематаграфіст Глен Маршал нядаўна атрымаў узнагароду журы Канскага фестывалю кароткаметражных фільмаў за створаны штучным інтэлектам анімацыйны фільм пад назвай «Варона». І ўжо пачаў з’яўляцца вялікі пласт мастакоў штучнага інтэлекту, якія набываюць папулярнасць: Karen X. Cheng, CoffeeVectors, Faezeh Razavi, Alan Resnick.

Каментары2

  • антисвета
    06.10.2022
    апяц эти 3 працэнты
  • антисвета
    06.10.2022
    ну які ж ён сапраўды штучны?
    гэта ўсё створана людзьмі
    гэта сапраўды толькі інструмент

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

У якіх раёнах Беларусі найніжэйшыя заробкі?

Ураган ударыў па выставе МУС у цэнтры Віцебска — вецер раскідаў намёты ВІДЭА4

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →