ГУР Украіны: Расія плануе падарваць жылыя будынкі ў Мазыры, каб уцягнуць Беларусь у вайну
Галоўнае ўпраўленне разведкі Украіны паведамляе, што паводле іх звестак, Расія нібыта паспрабуе ўцягнуць Беларусь у ваенны канфлікт з Украінай праз шэраг правакацый у дачыненні да інфраструктурных аб'ектаў і мірнага насельніцтва.
З гэтай мэтай у горад Мазыр прыбылі дыверсійныя групы пад выглядам цывільных грамадзян. У іх склад уваходзяць супрацоўнікі Галоўнага разведвальнага ўпраўлення Расійскай Федэрацыі і наёмнікі прыватных ваенных кампаній, гаворыцца ў паведамленні.
Паводле ГУР, у планах гэтых груп нібыта прадугледжаная арганізацыя серыі тэрактаў у Беларусі на манер сцэнарыя, выкарыстанага Расіяй падчас распальвання вайны ў Чачні, калі арганізавалі шэраг тэрактаў у Разані.
ГРУ плануе правесці серыю артылерыйскіх і ракетных удараў па Мазырскім НПЗ, аб'ектах цывільнай інфраструктуры і жылым масіве. Падчас абстрэлу таксама будуць зносіць жылыя будынкі, бальніцы і школы, сцвярджае Галоўнае ўпраўленне разведкі Украіны.
«Гэта, на думку крамлёўскіх куратараў «спецаперацыі», створыць для Лукашэнкі гэтак званы «казус бэлі». Гэта значыць, фармальную падставу для развязвання вайны. Лічыцца, што ў гэтым выпадку ў Лукашэнкі не застанецца магчымасці пазбегнуць удзелу ў вайне», — паведамляе ГУР.
Таксама адзначаецца, што афіцэры УС РБ ужо нібыта пачалі эвакуацыю сваіх сем'яў з Мазыра.
Разам з тым тэлеграм-канал «Беларускі Гаюн» паведамляе, што ім нічога не вядома ні пра планы ўзрываў у Мазыры, ні пра эвакуацыю.
Што тычыцца прыезду ў горад кадравікоў ГРУ і ПВК, то таксама няма ніякай інфармацыі пра гэта.
Васкрасенскі: Трэба, каб Сікорскі прывёз падарунак Лукашэнку. А Бяляцкі і 20 завадатараў выйдуць апошнімі39
Каментары