Наступу расійскіх войскаў папярэднічае артылерыйскі агонь, пасля ідзе перамяшчэнне вайсковай тэхнікі
Дзяржаўная пагранічная служба Украіны паведамляе, што наступу расійскіх войскаў праз дзяржаўную мяжу папярэднічае артылерыйскі агонь, пасля адбываецца перамяшчэнне вайсковай тэхнікі.
Расійская вайсковая тэхніка, у тым ліку бронетэхніка, парушыла дзяржаўную мяжу ў Чарнігаўскай, Сумскай, Луганскай і Харкаўскай абласцях. У прыватнасці, у Чарнігаўскай вобласці тэхніка праціўніка прайшла праз блок-пасты Сянькоўка (пункт пропуску на мяжы з Расіяй) і Грамяч і на іншых напрамках.
Рух калон таксама адбываўся праз пункт пропуску «Бударка» ў Харкаўскай вобласці і ў напрамку пункта пропуску «Мілава» ў Луганскай вобласці.
Пад абстрэл трапіла большасць пагранічных падраздзяленняў і пагранічных нарадаў Луганскай, Сумскай, Харкаўскай, Чарнігаўскай і Жытомірскай абласцей.
Паводле наяўнай інфармацыі, пацярпелі вайскоўцы.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»24
Каментары