Улада3030

Надзея Ермакова: Мне прапанавалі ўзначаліць Белгазпрамбанк

Былая старшыня Нацбанка Надзея Ермакова можа ўзначаліць Белгазпрамбанк, у які ўчора з ператрусам прыйшлі сілавікі.

«Такая прапанова сапраўды ёсць, мне з банка прапанавалі. Але калі гэта будзе разглядацца, не ведаю», — патлумачыла яна карэспандэнту «НН».

Ермакова запэўніла, што мае атэстацыю, а таму адпавядае фармальным патрабаванням да кіраўніка банка.

Папярэднім старшынёй праўлення Белгазпрамбанка быў Віктар Бабарыка, які цяпер вылучаецца ў прэзідэнты.

Белгазпрамбанк на 99,9% належыць структурам расійскага «Газпрома».

Надзея Ермакова ў 1980-х працавала ў Шклове, дзе і пазнаёмілася з Аляксандрам Лукашэнкам. У 1996 годзе ён паклікаў яе ў Мінск у кіраўніцтва Беларусбанка. На пасадзе старшыні Нацбанка Ермакова запомнілася няўдалымі спробамі перамагчы валютны крызіс 2014 года. Павел Калаўр, які замяніў Ермакову на гэтай пасадзе, вырашыў пытанні за некалькі тыдняў.

Затое Ермакова — адна з нямногіх чыноўніц, якія змаглі пабудаваць адразу два катэджы ў Драздах.

Надзея Ермакова, фота Сяргея Гудзіліна

Чытайце таксама: Яна вырасла ў хаце без электрычнасці, а стала кіраўніцай Нацбанка. Гісторыя жыцця Надзеі Ермаковай

***

Надзея Ермакова нарадзілася 19 красавіка 1953 у вёсцы Разальмоў Хоцімскага раёна. Скончыла Пінскі ўлікова-крэдытны тэхнікум (1971), Беларускі дзяржаўны інстытут народнай гаспадаркі імя Куйбышава (1978).

Працавала ў структурах Беларускай рэспубліканскай канторы Дзяржбанка СССР: у 1971—1979 — у Хоцімскім аддзяленні, у 1979—1983 — намесніца кіраўніка Кіраўскага аддзялення, у 1983—1984 — кіраўніца Шклоўскага аддзялення.

У 1984—1994 працавала ў Шклоўскім райвыканкаме, спачатку намесніцай старшыні, пасля загадчыцай фінансавым аддзелам. У 1994 — кіраўніца шклоўскага філіяла банка «Поўнач-Захад». У 1994—1995 — кіраўніца шклоўскага аддзялення Белаграпрамбанка.

У 1996—2011 — намесніца старшыні праўлення, старшыня праўлення Беларусбанка. У 2011—2014 — старшыня праўлення Нацбанка.

З 1999 — старшыня ГА «Беларускі саюз жанчын».

Двойчы разведзеная, мае дваіх дзяцей.

Каментары30

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?6

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы19

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель2

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск30

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?6

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →