У Варшаве прайшла сустрэча кіраўнікоў Рад бяспекі ЗША, Польшчы, Беларусі і Украіны
Дарадца прэзідэнта ЗША па нацыянальнай бяспецы Джон Болтан сустрэўся сёння ў Варшаве з сакратарамі Рад бяспекі Беларусі, Украіны і Польшчы. Пра гэта сведчыць здымак і подпіс да яго, які Болтан апублікаваў у сваім твітары.
Very pleased to start a conversation among my Polish, Ukrainian, and Belarusian counterparts in Warsaw today. We share common concerns over regional stability and are committed to strengthening the sovereignty and security of our nations. pic.twitter.com/CW97ZtETmc
«Я вельмі рады пачаць сёння ў Варшаве размову з маімі польскім, украінскім і беларускімі калегамі. Мы падзяляем агульныя праблемы з нагоды стабільнасьці ў рэгіёне і імкнемся да ўмацаваньня сувэрэнітэту і бяспекі нашых народаў», — напісаў Джон Болтан.
Здымак зроблены ў офісе Бюро нацыянальнай бяспекі Польшчы.
Інфармацыі пра сустрэчу ў беларускіх афіцыйных крыніцах пакуль няма.
Напярэдадні, 30 жніўня, кіраўнік Бюро нацыянальнай бяспекі Польшчы Павел Солах сустрэўся з сакратаром Рады бяспекі Беларусі Станіславам Засем. Размова адбывалася па асноўных пытаннях двухбаковых адносін і сітуацыі ў сферы рэгіянальнай бяспекі, паведамляе сайт польскага ведамства.
Станіслава Зася суправаджалі намеснік міністра замежных спраў Беларусі Алег Краўчанка і пасол Беларусі ў Польшчы Уладзімір Чушаў.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9
Каментары