Улады ЗША ўнеслі імя сына экс-кіраўніка групоўкі «Аль-Каіда» Усамы бін Ладэна ў чорны спіс тэрарыстаў. Гэта азначае, што грамадзянам ЗША забаронена звязвацца з ім, а ўсе ягоныя рахункі на тэрыторыі краіны падлягаюць замарозцы, піша ВВС.
У спісе, які складае Дзярждэпартамэнт ЗША, Хамза бін Ладэн названы «асабліва небяспечным міжнародным тэрарыстам».
У пералік таксама трапіў адзін з лідараў «Аль-Каіды на Аравійскім паўвостраве» Ібрагім аль-Банна.
Амерыканскія спецслужбы сцвярджаюць, што Хамза бін Ладэн стаў актыўным прапагандыстам «Аль-Каіды» пасля смерці свайго бацькі, забітага ў Пакістане падчас аперацыі спецслужбаў ЗША ў маі 2011 года.
Падчас ператрусу ў доме бін Ладэна былі знойдзеныя лісты, у якіх Хамза просіць кіраўніка «Аль-Каіды» навучыць яго і зрабіць сваім спадчыннікам.
Паводле дадзеных спецслужбаў ЗША, Усама бін Ладэн планаваў перадаць сыну кіраванне «Аль-Каідай», хоць на момант напісання ліста (2009 год) яны не бачыліся больш за восем гадоў.
Аднак у выніку пасля смерці бін Ладэна кіраўніком групоўкі стаў егіпцянін Айман Завахіры.
Пры гэтым Хамза бін Ладэн час ад часу выпускаў відэазвароты да сваіх прыхільнікаў, у якіх пагражаў ЗША новымі нападамі.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары