Замежная запазычанасьць Беларусі вырасла за 2007 год на 6 мільярдаў даляраў. Пра гэта паведамляецца ў статыстычнай справаздачы Нацыянальнага банку. Гэта рэкордны рост пазыкаў за ўсю гісторыю Беларусі.
Замежная запазычанасьць Беларусі вырасла за 2007 год на 6 мільярдаў даляраў. Пра гэта паведамляецца ў статыстычнай справаздачы Нацыянальнага банку. Гэта рэкордны рост пазыкаў за ўсю гісторыю Беларусі.
Сукупная замежная запазычанасьць Беларусі на 1 студзеня 2008 году склала $12,719 млрд, вырасла за 2007 год на 87,4 % (на $5,932 млрд), паведамляецца ў статыстычнай справаздачы Нацыянальнага банку.
Гэта рэкордны рост пазыкаў за ўсю гісторыю Беларусі. Яго прычынай было жаданьне захаваць узровень даходаў насельніцтва і эканамічнага росту ва ўмовах павышэньня цэнаў на расейскія газ і нафту.
За IV квартал замежная запазычанасьць вырасла на 33,1 %, у III квартале — на 3,8 %, у II квартале — на 15,9 % і за I квартал — на 17 %.
У структуры замежнага доўгу запазычанасць органаў дзяржаўнага кіраваньня (урад) за год вырасла ў 3,5 раза да $2,036 млрд. Увесь аб'ём замежнага доўгу ўраду — доўгатэрміновыя пазыкі.
Замежны доўг Нацбанку на 1 студзеня 2008 году склаў $590,9 млн (у тым ліку доўгатэрміновы доўг $240 млн) супраць $0,7 млн на 1 студзеня 2007 году.
Замежная запазычанасьць камэрцыйных банкаў за 2007 год вырасла на 72,9 % да $2,571 млрд. У яе складзе доля доўгатэрміновых замежных пазык паменшала да 42,2 % з 48,5 %.
Замежны доўг нефінансавых сэктараў эканомікі ўзрос на 59,5 % да $6,965 млрд. У яго складзе доля доўгатэрміновых пазык паводле вынікаў 2007 году зьнізілася да 18,8 % з 19,3 % у 2006 годзе.
Запазычанасьць перад прамымі інвэстарамі за 2007 год вырасла на 63 % да $556,4 млн.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары