Мінчане ў 2012 годзе часцей за ўсё называлі дзяцей Арцёмам, Аляксеем, Марыяй і Ганнай.
Пра гэта паведаміла начальнік аддзела прававога абслугоўвання грамадзян, арганізацый і ідэалагічнай работы галоўнага ўпраўлення юстыцыі Мінгарвыканкама Алена Сушко.

Таксама сярод папулярных імёнаў — Дар’я, Сафія, Анастасія, Максім, Данііл, Уладзіслаў.

Рэдкія мужчынскія імёны — Вітаўт, Прохар, Марсэль, Кевін, жаночыя — Славяна, Любава, Агрыпіна, Селін.

Усяго ў 2012 годзе ў загсах зарэгістравана больш за 25,1 тыс. нараджэнняў, што на 1,5 тыс. больш, чым у 2011 годзе. Больш за ўсё дзяцей нарадзілася ў Маскоўскім і Фрунзенскім раёнах, дзе актыўна вядзецца жыллёвае будаўніцтва. Самай маладой маці споўнілася 16 гадоў, самай сталай — 47, самому маладому бацьку было 18, самому сталаму — 58 гадоў.

Што тычыцца заключэння шлюбу, то ў Мінску

летась аформілі адносіны больш як 15,5 тыс. пар, у тым ліку 1 227 шлюбаў былі заключаны з замежнікамі, 70 — з непаўнагодавымі.
Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?