Падчас комплекснай адпрацоўкі гандлёвых аб’ектаў, што ажыццяўляюць рэалізацыю мясной прадукцыі, аператыўнікамі падраздзяленняў па барацьбе з эканамічнымі злачынствамі ГУУС Мінгарвыканкама сумесна з эпідэміёлагамі і супрацоўнікамі падатковай інспекцыі выяўлены факты продажу гараджанам тавараў без адпаведнай дакументацыі і з са скончаным тэрмінам прыдатнасці.
Як паведамілі ў ГУУС, першае (і самае буйное) парушэнне было выяўлена на Камароўскім рынку. Там пры праверцы пяці гандлёвых пунктаў, што належаць адной і той жа прыватнай арганізацыі, выявіўся факт рэалізацыі звыш 2 т каўбаснай і мясной прадукцыі без пацвярджальнай дакументацыі і канкрэтных рознічных цэн.Пры гэтым прыкладна 100 кг са згаданай масы (20 асартыментных найменняў) неабходна было даўно спісаць — тэрмін прыдатнасці тавару закончыўся месяц таму. У выніку ўсю партыю прыблізным коштам 180 мільёнаў рублёў аператыўнікі канфіскавалі, а ў дачыненні да ўладальніка былі складзены пратаколы па шэрагу артыкулаў Кодэкса аб адміністрацыйных правапарушэннях, у тым ліку за парушэнне санітарных норм і правілаў гандлю.
Аналагічнае парушэнне выяўлена ў Кастрычніцкім раёне сталіцы.І хаця тут аб’ёмы канфіскаванага аказаліся больш сціплымі, за пратэрмінаваны тавар рэалізатару давядзецца заплаціць штраф (КоАП прадугледжвае штраф да 5 мільёнаў рублёў).
Завяршыла ланцужок гандляроў небяспечнымі прадуктамі (як растлумачылі ва ўпраўленні па барацьбе з эканамічнымі злачынствамі ГУУС, мясныя вырабы былі сумнеўнай якасці і маглі нанесці шкоду здароўю спажыўцоў) прыватнае прадпрыемства, якое ажыццяўляе дзейнасць у Маскоўскім раёне Мінска. У яго павільёне было выяўлена звыш 300 кг мясных вырабаў без дакументаў, што пацвярджаюць якасць, і з даўно скончаным тэрмінам прыдатнасці. У дачыненні да гандляроў супрацоўнікамі Цэнтра гігіены і эпідэміялогіі і раённай падатковай інспекцыі складзены адміністрацыйныя пратаколы за парушэнне правілаў гандлю, правілаў прыёму грашовых сродкаў пры рэалізацыі тавараў і санітарных норм. Парушальнікаў чакаюць вялікія штрафы. Уся пратэрмінаваная прадукцыя канфіскавана.
Адзіна правільная тактыка для беларусаў падчас цяперашніх «выбараў» — берагчы сябе23
Каментары