Наступнай ноччу Еўропа пераходзіць на зімовы час. Ці трэба пераводзіць стрэлкі гадзіннікаў беларусам?
У ноч на нядзелю краіны Еўропы перавядуць стрэлкі на гадзіну назад.
Ці трэба пераводзіць стрэлкі ў Беларусі?
У Беларусі не трэба, наша краіна, як і Расія, не пераводзіць стрэлкі больш за 10 год.
Але нават калі вы і жывяце ў Еўропе, то сучасныя гаджэты, хутчэй за ўсё, самі перавядуцца. Застаецца перавесці толькі насценныя гадзіннікі, гадзіннікі на падлогу, таймеры ў духоўках і мікрахвалёўках.
Розніца ў часе паміж Мінскам, Вільняй, Рыгай і Кіевам будзе складаць адну гадзіну, з Варшавай і Берлінам — дзве.
Пераход на зімовы час крыху скарэктуе расклад аўтобусаў у заходнім кірунку. Самалёты на Захад не лётаюць, цягнікі не ходзяць.
Зімовы час у Еўропе, а таксама з першай нядзелі лістапада ў ЗША, будзе доўжыцца да апошняга тыдня сакавіка.
Каментары