Памятаеце сабаку, які залез на піраміду Хеопса? Цяпер ён прывёў туды сяброў
Па адным з цудаў свету цяпер гуляе цэлая кампанія хвастатых.
Нядаўна планерыст Алекс Ланг заўважыў на вяршыні Вялікай піраміды ў Гізе сабаку. Ён адчуваў сябе ўпэўнена, зусім не баяўся вышыні і брахаў на птушак.
Пазней стала вядома, што сабака паспяхова спусціўся з піраміды. Аднак на гэтым гісторыя не скончылася: днямі на пірамідзе заўважылі цэлую кампанію сабак.
Apollo, one of the stray dogs in Giza, became famous some days ago for being spotted atop the Pyramid of Khafre.
Now we know there's more than one and their favorite sport is climbing the Great Pyramids for barking at birds.pic.twitter.com/ZCxFItGX6A
Карыстальнікі сацсетак жартуюць, што Апалон — так завуць першага сабаку — цяпер водзіць сваіх сяброў на экскурсіі.
Апалона пазнаў сузаснавальнік амерыканскага Каірскага фонду выратавання жывёл Ібрагім Эльбендары. Ён расказваў The Washington Post, што ў ваколіцах Вялікай піраміды жывуць восем бадзяжных сабак.
Яны раз-пораз залазяць на вяршыню піраміды — а гэта 138 метраў — і палююць на птушак. Супрацоўнікі Фонду спрабуюць знайсці жывёлам новы дом і спадзяюцца, што ролікі, якія завірусіліся ў сеціве, дапамогуць у гэтай справе.
Каментары
Анубіс заўседы малюецца у выглядзе пса . Сабака - гэта ён на мове , калі шо )