Duumviry nie lubiać biełaruskaha partniora jašče i za toje, što moža vynieści na publiku kanfidencyjnyja razmovy. Piša ŭ svaim błohu na NN Alaksandr Kłaskoŭski.
Na fonie kaskadu banalnych zajaŭ Łukašenki na Homielščynie varta vyłučyć toje, što jon kazaŭ pra Mytny źviaz. Faktyčna heta zavualavany prysud. I razam z tym — padściłańnie sałomki.
Duumviry nie lubiać biełaruskaha partniora jašče i za toje, što jon moža ŭ luby momant vynieści na publiku kanfidencyjnyja razmovy. Tak było i 16 lipienia, kali adbyłasia «zdača» Miadźviedzieva: toj, maŭlaŭ, faktyčna paćvierdziŭ u vuzkim kole, što Mytny źviaz — strašyłka dla Zachadu, hieapalityčnaja cacka.
«Ja zadaŭ šerah pytańniaŭ, — vykłaŭ biełaruski kiraŭnik usiu praŭdu pra niejkaje zakrytaje pasiadžeńnie padrychtoŭčaha pieryjadu. — Vy chočacie stvaryć Mytny źviaz, kab pužnuć Amieryku dy Zachad: kali vy nas u Suśvietnuju handlovuju arhanizacyju nie biaracie, i my tut svaju SHA stvorym, u piku? Kali tak, vy nam skažycie pra heta, moža, my ŭ hetym vas i padtrymajem. Adkaz byŭ taki: nu, a što tut kiepskaha, moža i tak».
Biełaruskaje načalstva nutrom čuje, što Rasija «kinie» z abiacanym rajem u vyhladzie Adzinaj ekanamičnaj prastory, kali, maŭlaŭ, šyrokaj płyńniu paciače da nas biazmytnaja nafta. Chutčej pačnuć dušyć adzinaj valutaj i h.d. Adnak ža pierad vybarčaj kampanijaj laskać dźviaryma ryzykoŭna.
Tamu
abrana zvykłaja taktyka: dakumienty pa Mytnym źviazie Minsk padpisaŭ, ale — z dulaj u kišeni.
Zrešty, dziela spraviadlivaści dadamo, što i partniory adpaviednyja, z padvojnym dnom. Tut chto kaho abjahoryć.
Napieradzie — novyja vojny. Tamu
Łukašenku, choć jon jašče i vahajecca, vyhadniej zładzić vybary ŭ śniežni, da pieramoŭ pa enierhanośbitach i niepaźbiežnych razborak u miežach Mytnaha źviazu. Kab zapuścić kampaniju, na 7 vieraśnia namiečana niečarhovaja siesija Pałaty.
Na vypadak ža, kali Mytny źviaz laśniecca, užo hatova kanśpirałahičnaja viersija: toj aljans nibyta patrebien Kramlu jak sabaku piataja naha. I duumviry tolki pacirali b ruki, kali b prezident Biełarusi tyja papiery nie padpisaŭ. 16 lipienia Łukašenka davodziŭ: maskoŭcy, maŭlaŭ, naŭmysna zapuścili brydkija filmy, kab sapsavać malinu, ale jon na pravakacyju nie pavioŭsia.
Adna chiba: heta viersija całkam supiarečyć papiaredniaj (Kreml nadta ž zacikaŭleny ŭ Mytnym źviazie jak pužałcy dla Zachadu).
Ale raźlik na toje, što elektrat, zavarožany zaklinańniem pra 500 dołaraŭ, u takija drobiazi nie ŭjedzie.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary