Na ŭpakoŭcy miehapapularnych lalek vypadkova nadrukavali adras pornasajta
Kampanija Mattel ciapier molić klijentaŭ vykinuć karobku.
Znakamitaja kampanija cacak Mattel, jakaja vypuskaje ŭ tym liku lalku Barbi, pamyłkova nadrukavała adras pornasajta na ŭpakoŭcy sa svajoj pradukcyjaj.
Pieršymi pamyłku zaŭvažyli karystalniki sacyjalnych sietak. Jak paviedamlajecca, kampanija vypuściła lalki piersanažaŭ kinaviersii adnaho z samych paśpiachovych bradviejskich miuzikłaŭ «Złosnaja» (Wicked). U miuzikle dziejničajuć piersanažy z knih ab čaraŭniku z krainy Oz.
Pieršaja častka filma pavinna źjavicca 22 listapada hetaha hoda. Druha — roŭna praz hod.
Lalki vypuščanyja ŭ ramkach rekłamnaj kampanii ŭ padtrymku filma.
Na ŭpakoŭcy pavinien byŭ być paznačany adras veb-sajta filma WickedMovie.com. Adnak, adras nadrukavaŭsia nie całkam i ŭ vyniku viadzie na staronku z kantentam dla darosłych.
Kampanija zajaviła, što «hłyboka škaduje ab hetaj prykraj pamyłcy» i prymaje nieadkładnyja miery dla jaje vypraŭleńnia. Ludziam, jakija ŭžo nabyli lalek, jana raić pazbavicca ŭpakoŭki abo zamalavać adras veb-sajta.
Mattel nie paviedamiła pra maštab prablemy i nie ŭdakładniła, ci płanuje jana adklikać hety tavar z handlovych sietak.
Paśla taho jak infarmacyja pra pamyłku kampanii trapiła ŭ ŚMI, na handlovych placoŭkach pačali źjaŭlacca abjavy ab prodažy lalek z toj samaj niapravilnaj upakoŭkaj pa cenach, jakija ŭ niekalki razoŭ pieravyšajuć roźničnyja.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie7
Kamientary