Pa zahadzie machlaroŭ 15-hadovy himnazist uskryŭ baćkoŭski siejf i addaŭ kurjeru $53 tysiačy
U milicyju źviarnułasia žančyna. Jana raskazała, što, viarnuŭšysia dadomu, ubačyła biesparadak u kvatery i adčynieny siejf. Ź jaho źnikli załatyja i siarebranyja źlitki, a taksama hrošy, paviedamlaje staličnaja milicyja.
Apieratyŭniki vyśvietlili, što baćkavy źbieražeńni zabraŭ 15-hadovy syn-himnazist. U miesiendžary chłopcu patelefanavaŭ nieznajomy čałaviek i paviedamiŭ, što suprać jaho baćkoŭ nibyta budzie zaviedzienaja kryminalnaja sprava.
Kab vyratavać svajakoŭ, jon pavinien pieradać vialikuju sumu hrošaj. Chłopcu zabaranili raspaviadać pra heta kamu-niebudź, u tym liku baćkam i siabram. Dla ŭpeŭnienaści ašukancy vysłali fatahrafiju padroblenaha paśviedčańnia.
Pa patrabavańni złačyncaŭ padletak kupiŭ elektrainstrumient. Ź jaho dapamohaj jon adčyniŭ baćkavy siejf. Paśla hetaha jon sfatahrafavaŭ jaho źmieściva i adpraviŭ nieznajomcam. Na nastupny dzień himnazist pakłaŭ kaštoŭnaści na 53 tysiačy dalaraŭ u zaplečnik i pieradaŭ ich kurjeru.
Pasrednik byŭ zatrymany. Im akazaŭsia 29-hadovy minčanin. Jon znajšoŭ niezakonnuju padpracoŭku, ale paśpieŭ adpracavać tolki adzin dzień. Atrymanuju ad padletka sumu jon padzialiŭ na dźvie častki. Hrošy addaŭ nastupnamu kurjeru — 44-hadovamu žycharu Mahiloŭskaj vobłaści. Toj vyviez ich u susiedniuju krainu i pieradaŭ jašče adnamu pasredniku.
Pavodle jaho słoŭ, kuratary abiacali zapłacić jamu za pasłuhu, adnak ašukali. A kaštoŭnyja źlitki ŭ minčuka zabrała 55-hadovaja žycharka stalicy, jakaja pieradała ich dalej pa złačynnym łancuhu.
«Usie fihuranty zatrymany. Pravierka praciahvajecca», — dadali ŭ HUUS.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary