U Hrodzienskim rajonie na pažary zahinuli dva čałavieki, adzin vyratavaŭsia
Niaščaście zdaryłasia ŭ vioscy Hliniany.
Pra pažar ratavalnikam paviedamiŭ susied. Na miesca zdareńnia vyjechali čatyry pažarnyja raźliki.
Vyśvietliłasia, što dom naležaŭ 47-hadovamu mužčynu i jaho 71-hadovamu baćku. Pa słovach piensijaniera, jon pračnuŭsia ad huku pažarnaha apaviaščalnika i pabačyŭ pažar.
Mužčyna vybraŭsia na vulicu i da prybyćcia pažarnych raźlikaŭ sprabavaŭ samastojna spravicca z ahniom. Jon paviedamiŭ vyratavalnikam, što ŭ domie zastaŭsia jaho syn i znajomy.
Padčas tušeńnia pažaru rabotniki MNS znajšli ŭ pałajučym pakoi cieła haspadara doma i jaho hościa. Ratavalnikam spatrebiłasia bolš za paŭhadziny, kab całkam likvidavać uzharańnie.
Pažar źniščyŭ majomaść, paškodziŭ ścieny, pierakryćcie i dach. Pryčyna ŭzharańnia vyśviatlajecca, adnak pa adnoj ź viersij trahiedyja mahła adbycca praź nieaściarožnaje abychodžańnie z ahniom pry kureńni.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary