Terapieŭt, administratar, zorka: u vietklinicy pad Minskam žyvie i pracuje niezvyčajny kot
Kot Rafik u Baraŭlanach — miascovaja znakamitaść. Jon žyvie i pracuje ŭ vieterynarnaj klinicy «VietTarhiet» užo try hady, piša Tochka.by.
Śpiecyjalist šmatzadačny: sustrakaje klijentaŭ, padpracoŭvaje terapieŭtam dla chvorych žyvioł, antystresam dla ludziej, paziruje za smačniašku. Dy i naohuł, jon hałoŭny ŭ hetaj arhanizacyi.
Kaliści ledź vyžyŭ, a zaraz samy ščaślivy kot na śviecie.
Pušyścik, ź jakim nie zmahli rasstacca
Pracoŭny dzień u vietklinicy pačynajecca a 09:00.
Rafik nie vyklučeńnie. Jon užo ščylna paśniedaŭ i vyjšaŭ sustrakać naviedvalnikaŭ, znajomicca z dvuma sabakami. Kot vielmi kantaktny i pryjazny.
«Niejak da nas pastajannaja klijentka-vałancior pryniesła jaho jašče kacianiom. Jon užo rychtavaŭsia syści na viasiołku, byŭ u vielmi drennym stanie — uvieś pabity, traŭmiravany. Doŭha adnaŭlaŭsia, pravioŭ u nas tydzień u stacyjanary», — raspaviadaje dyrektar vietkliniki Alaksiej Nikifaraŭ.
Kot vyžyŭ, ale straciŭ chvost. Naviedvalniki časta pytajucca, što stała z chvościkam. Supracoŭniki adžartavalisia i paviesili šyldu: maŭlaŭ, toj pakinuŭ jaho dobraachvotna.
U klinicy ŭžo nie zmahli rasstacca z kacianiom. Na ahulnym schodzie vyrašyli: chaj zastajecca. Tak Raf staŭ členam kamandy. Koła abaviazkaŭ — vielmi šyrokaje.
Pa-pieršaje, Raf — puchnaty antystres. Jon razražaje abstanoŭku, siadzić z klijentami ŭ čakańni pryjomu, sustrakaje naviedvalnikaŭ.
Kali niešta zdaryłasia ci haspadar straciŭ lubimaha hadavanca, kot zaŭsiody imkniecca być pobač i idzie da čałavieka.
«Usie lubiać za im nazirać. Jon uvieś pracoŭny dzień pravodzić z nami. Hulaje z sabakami, ćvielić pacyjentaŭ bujniej. Čamuści ŭ jaho vialikaja luboŭ da ekzatyčnych žyvioł. Vielmi aktyŭny chłopiec», — kažuć supracoŭniki.
Pa ŭsim pierymietry choła dla Rafika abstalavali vielizarny hulniavy kompleks. Vakoł — cacki i smačniaški. Hety kot nikoli nie byvaje hałodnym.
«Jon chitrun. Zrazumieŭ, dzie idzie raźlik i kali klijenty padychodziać apłacić pasłuhi. Rafik załazić na stojku, padychodzić da smačniaški i nastojliva prosić kupić jamu pačastunki. Nu chto tut vystaić?» — kaža markietołah vietkliniki Palina Brel.
Jašče Rafik — zorka Instagram. Jon lubić paziravać i navat maje niekalki kaściumaŭ. Na Chełoŭin, naprykład, jon z radaściu pieraŭvasablajecca ŭ Hrafa Drakułu.
Lačebny kot
Jašče Raf — vydatny terapieŭt. Jon adčuvaje, kali pacyjentu drenna. Tamu kata možna časta sustreć u stacyjanarnym adździaleńni — jon cichieńka lažyć kala boksaŭ z žyviołami i hladzić spačuvajučym pozirkam.
«Katy pa svajoj pryrodzie zvyčajna kryŭdziać słabych, a Rafik vielmi adčuvalny da čužoha hora. Tamu jon zaŭsiody taktoŭny, akuratny. Prosta znachodzicca pobač i maralna padtrymlivaje», — raspaviadajuć vieterynary.
Niejak Rafik i sam zachvareŭ. Kab pakazać lekaram, što jamu drenna, pryjšoŭ i loh u boks, pačaŭ miaŭkać i klikać na dapamohu. Naohuł, u jaho niekalki asabistych lekaraŭ, i ŭsio staranna sočać za jaho zdaroŭjem. Pryščepki i dyspansieryzacyja rehularnyja.
«U jaho jość vietpašpart i miedycynskaja karta. Kali ŭ nas pytajucca, čamu Rafik pracuje biez vychodnych, my adžartoŭvajemsia, što naš dyrektar nie addaje jamu pašpart», — śmiajucca daktary.
Kot lubić čužyja pieranoski. Kali hadavaniec na pryjomie ŭ doktara, Raf adrazu załazić tudy i hreje miesca.
Jašče jon sočyć za charčavańniem supracoŭnikaŭ, praviaraje ŭsie ssabojku i kradzie toje, što nienadziejna schavana.
Niejak adzin z rabotnikaŭ nieaściarožna zabyŭsia ŭ partfieli kavałak kaŭbasy, Rafik jaho vykraŭ i horda demanstravaŭ usim kaleham svaju zdabyču.
«Z Rafikam u nas zaviałosia žaleznaje praviła: adrazu myć posud paśla ježy. A kali chtości nie paśpieŭ, to pieršy, chto ŭbačyŭ brudnuju talerku, pavinien jaje vymyć. Bo Rafik lubić sam «pamyć» talerki», — dzielacca supracoŭniki.
Akramia taho, Rafik — biascenny «maniekien» u dni, kali ŭ vietkliniku prychodziać maleńkija naviedvalniki. Jamu robiać UHD, słuchajuć serca — katu padabajecca ŭdzielničać u lačebnym pracesie. Pracuje za ježu.
Kot Rafik dakazvaje: žyć treba tak, kab ciabie lubili prosta za toje, što ty jość.
Izrailski biznesmien staŭ iranskim špijonam dziela darahoj va ŭtrymańni biełaruski. Chto hetaja fatalnaja łedzi?7
Kamientary