U vyniku ŭdaru paciarpieli jak minimum piać amierykanskich vajskoŭcaŭ, adzin ź ich atrymaŭ surjoznyja ranieńni.
Jak minimum piać čałaviek paciarpieli ŭ vyniku ŭdaru pa amierykanskaj avijabazie Ajn al-Asad na zachadzie Iraka 5 žniŭnia.
Pa vajskovaj bazie byli vypuščanyja dźvie rakiety z savieckaj reaktyŭnaj sistemy «Kaciuša». Rakiety ŭpali na terytoryi bazy. Nieviadoma, ci źviazanaja ataka z pahrozami Irana adpomścić za zabojstva lidara CHAMAS, piša Reuters.
Adzin z paciarpiełych amierykanskich sałdat atrymaŭ surjoznyja ranieńni. Acenka škody ad ataki jašče pravodzicca.
Paśla zabojstva ŭ Tehieranie kiraŭnika palitbiuro CHAMAS Ismaiła Chanii aficyjnyja asoby Irana paabiacali adpomścić Izrailu i ZŠA, jakich ličać datyčnymi da likvidacyi Chanii.
Irak ličycca sajuźnikam jak ZŠA, tak i Irana. Na terytoryi krainy znachodziacca 2500 amierykanskich sałdat, a taksama iranskija apałčency, źviazanyja sa śpiecsłužbami isłamskaj respubliki.
Ułady Iraka chočuć, kab vojski vajskovaj kaalicyi na čale z ZŠA pačali vyvad z krainy ŭ vieraśni i aficyjna zaviaršyli pracu kaalicyi da vieraśnia 2025 hoda, pry hetym niekatoryja amierykanskija siły, vierahodna, zastanucca ŭ niadaŭna ŭzhodnienym kansultatyŭnym statusie.
Bahdad ź ciažkaściu strymlivaje uzbrojenyja hrupoŭki, jakija padtrymlivajucca Iranam i z 7 kastryčnika dziasiatki razoŭ napadali na amierykanskija vojski ŭ hetaj krainie i ŭ susiedniaj Siryi.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień7
Kamientary