Tramp znajšoŭ vinavataha ŭ biržavym abvale — im stała vice-prezident Kamała Charys
«Kamala-crash» («Krach Kamały») — tak eks-prezident i kandydat ad Respublikanskaj partyi Donald Tramp nazvaŭ rezkaje padzieńnie fondavaha rynku, jakoje adbyłosia napiaredadni, piša Bild.
Na dumku Trampa, ceny na akcyi viadučych suśvietnych kampanij upali, bo niezadoŭha da hetaha vice-prezident Kamała Charys była vyłučana kandydatam u prezidenty ad Demakratyčnaj partyi.
U paniadziełak, 5 žniŭnia, japonski indeks Nikkei upaŭ bolš čym na 12%, za im adbyłosia rezkaje padzieńnie na fondavych biržach inšych krain. U jakaści pryčyny ekśpierty nazyvajuć aściarohi nakont recesii ŭ ZŠA. Zrešty, siońnia košty na akcyi ŭ Japonii znoŭ praktyčna adnavilisia.
«Viadoma, na rynku nazirajecca maštabnaje padzieńnie. Kamała jašče horšaja za Džo Bajdena. Rynki nikoli nie prymuć hetuju radykalnuju levuju varjatku. Nastupny krok — Vialikaja depresija 2024 hoda! Z rynkami nielha hulacca», — napisaŭ Tramp u svajoj sacyjalnaj sietcy Truth Social.
Sama Kamała Charys nie stała adkazvać na napadki Donalda Trampa. Jana apublikavała ŭ X fatahrafiju, na jakoj jana pakazana na sustrečy z prezidentam Džo Bajdenam, pryśviečanaj blizkaŭschodniamu kanfliktu.
«Jaje ŭsie bierahli, jak mahli». Kamandziry — pra Maryju Zajcavu, jakaja zahinuła va Ukrainie14
Kamientary
Nikakoho schodstva ja nie vižu. Vot sovsiem. Začiem oskorblať čiełovieka, kotoryj ničieho płochoho nie sdiełał, postavlał Ukrainie oružije, zaŝiŝał Izrail, nie dopustił vojny mieždu Koriejami? Začiem?