U Smarhoni adkryli miemaryjalny kompleks na linii supraćstajańnia ŭ Pieršuju suśvietnuju vajnu FOTY
Z vieraśnia 1915-ha pa luty 1918 hoda tut prachodziła linija rasijska-hiermanskaha frontu.
U Smarhoni ŭračysta adkryli miemaryjalny kompleks pa linii supraćstajańnia ŭ Pieršuju suśvietnuju vajnu, piša BiełTA.
Ź vieraśnia 1915-ha pa luty 1918 hoda tut prachodziła linija rasijska-hiermanskaha frontu. Horad nie zdavaŭsia vorahu 810 dzion. Tut zahinuli dziasiatki tysiač sałdat i aficeraŭ. 16-tysiačny horad byŭ faktyčna razburany za čas bajoŭ, u jaho viarnulisia paśla vajny kala 150 žycharoŭ.
Jak adznačyŭ namieśnik staršyni Hrodzienskaha abłvykankama Viktar Praniuk, «kožny hramadzianin našaj krainy hanarycca i viedaje historyju svajoj Ajčyny».
«U našaj historyi jość i trahičnyja staronki — heta časy vajennaha lichalećcia. Adnoj z takich trahičnych staronak źjaŭlajecca čas Pieršaj suśvietnaj vajny, dla našaj Ajčyny ciažkaje vyprabavańnie. Pieršuju suśvietnuju nazyvajuć zabytaj vajnoj. Heta adbyvałasia tolki pa toj pryčynie, što kamuści va ŭhodu svaich ułasnych intaresaŭ chočacca pierapisać vyniki historyi. Adkryćcio miemaryjała daje ŭpeŭnienaść u tym, što padobnaje nie paŭtorycca», — skazaŭ Viktar Praniuk.
Raboty pa budaŭnictvie abjekta pačalisia vosieńniu 2012 hoda. U 2014 hodzie ŭ ramkach pamiatnych mierapryjemstvaŭ, pryśviečanych 100-hodździu pačatku Pieršaj suśvietnaj vajny, miemaryjalny kompleks byŭ adkryty dla naviedvańnia i staŭ znakavym miescam uviekaviečvańnia pamiaci pra hierojaŭ pieršaj suśvietnaj vajny.
U 2023 hodzie pačaŭsia praces zaviaršeńnia ŭsiaho kompleksu rabot pa budaŭnictvie miemaryjalnaha kompleksu i siońnia jon byŭ uračysta adkryty.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj31
Kamientary