U Babrujsku ŭ babuli na noŭtbuku nie pracavaŭ skajp. Majstar uziaŭ ź jaje za ramont 1130 rubloŭ
«Ja zrabiŭ toje, što bačyŭ, toje, pra što mianie prasili. Ja rabiŭ toje, što treba było zrabić».
U kamisijnuju kramu ŭ Babrujsku źviarnułasia piensijanierka. Jana padzialiłasia z pradaŭcami svaim bolem. U babuli na noŭtbuku nie pracavaŭ huk u skajpie, i jana vyrašyła źviarnucca da kampjutarnaha majstra pa abjavie, što ŭbačyła na padjeździe.
Za vyrašeńnie takoj niesurjoznaj prablemy piensijanierka addała 1130 rubloŭ, piša Onliner.
Jana pakazała akt vykananych rabot. Ź jaho vynikaje, što majstar vyrašyŭ zrabić defrahmientacyju ćviordaha dysku, całkam pieraŭstalavać Windows, ustalavać inšyja prahramy i naładzić ulikovy zapis:
- ŭstanoŭka modula AZP — 163 rubli;
- nastrojka BIOS — 74 rubli;
- defrahmientacyja HDD — 196 rubloŭ;
- ustanoŭka PZ i drajvieraŭ — 213 rubloŭ;
- nastrojka ŭlikovaha zapisu — 52 rubli;
- vydaleńnie virusaŭ i stvareńnie asiarodździa — 116 rubloŭ;
- pieradustaloŭka Windows 8.1 — 312 rubloŭ
Majstar uziaŭ za pasłuhi ŭ niekalki razoŭ bolš, čym u siarednim pa rynku. Pa samych hrubych padlikach, ahulnaja suma za ŭsie hetyja pracy nie musiła pieravyšać 200-300 rubloŭ.
Supracoŭniki mahazina źviazalisia z majstram, kab zrazumieć, navošta jon tak zrabiŭ ź piensijanierkaj. U ich adbyŭsia taki dyjałoh:
— Andrej Uładzimiravič?
— Tak, heta ja.
— Andrej Uładzimiravič, vy tut voś žančynie kampjutar rabili na 1130 rubloŭ.
— Słuchaju, tak.
— Ja voś u vas chacieŭ udakładnić, a navošta vy defrahmientacyju HDD zrabili, dla čaho?
— Nu tamu što kampjutar drenna zahružaŭsia, pavolna pracavaŭ. Kampjutar užo stareńki, heta značyć treba było adnaŭlać.
— Za 1130 rubloŭ možna było novy noŭtbuk kupić, a vy …
— Jaki novy noŭtbuk? Zajdzicie, kali łaska, u kramu i pahladzicie, kolki kaštujuć noŭtbuki. Daviedajciesia, kolki apieracyjnaja sistema kaštuje i hetak dalej.
— A navošta joj u kramu zachodzić? U jaje stareńki noŭtbuk, jana b z ruk kupiła za 300 rubloŭ, a vy na 1130 hłupstva ŭsiakaje napisali.
— Jana mahła kupić, i dzie harantyja, što ŭ jaje b dobra pracavała?
— Andrej Uładzimiravič, heta jaje sprava, a nie vaša. Vy navošta voś heta rabili za takija hrošy?
— Ja zrabiŭ toje, što bačyŭ, toje, pra što mianie prasili. Ja rabiŭ toje, što treba było zrabić.
-
«Uśmichnuŭsia i dobrazyčliva kiŭnuŭ». Mahiloŭski biskup raskazaŭ, pra što jon razmaŭlaŭ z Papam u Vatykanie
-
Žychara Babrujska paśla viartańnia z Polščy asudzili na 7 hadoŭ kałonii nibyta za stvareńnie dvuch telehram-čataŭ
-
«Akunańnie ŭ ajčynnyja karani». Biełarusam zamiest turaŭ pa Jeŭrasajuzie prapanujuć pajezdki ŭ Smalensk, Pskoŭ i Kałuhu
Kamientary
Intieriesno a vinda licienzionnaja, ili "mastiera" babuška poprosiła, obokrasť majkrosoft.
A s druhoj storony, zavtra pročitajem, čto niekaja piensionierka pierievieła paru diesiatkov tiasiač zielenych, na bilet druhu iz sołniečnoj afriki.