«Skažycie, Iryna Ściapanaŭna, heta ž vy mama Koli?» Pavuk dazvaniŭsia Abielskaj
Błohier Andrej Pavuk patelefanavaŭ na pramuju liniju ź Irynaj Abielskaj i zadaŭ pytańnie, jakoje cikavić mnohich biełarusaŭ: ci jana mama Koli Łukašenki?
Andrej Pavuk patelefanavaŭ členu Savieta Respubliki Irynie Abielskaj, kab spytać, čamu demahrafičnaja situacyja takaja drennaja ŭ Biełarusi.
Taja adkazała, što heta zanadta surjoznaje fiłasofskaje pytańnie.
Pavuk tady prapanavaŭ zadać pytańnie praściejšaje.
— Skažycie, Iryna Ściapanaŭna, heta ž vy mama Koli… Mikałaja Łukašenki?
— My na hetyja pytańni z vami nie razmaŭlajem. Zadavajcie pytańni pa demahrafičnaj situacyi, — pierapyniła jaho Abielskaja.
— Nie, nu vy razumiejecie, što kiraŭnik dziaržavy nam padaje prykład siamiejnych adnosin, i my ŭsio ž taki nie viedajem, jak stavicca… Heta našy tradycyjnyja kaštoŭnaści. (…)
— U vas jość jašče niejkija pytańni?
— Ja naohuł nie suprać takich adnosin… — pasprabavaŭ padbadzioryć Abielskuju Pavuk, ale taja pakłała słuchaŭku.
Raniej rasśledavalniki z dapamohaj kibierpartyzan atrymali pašpartnyja danyja, jakija śviedčać, što Iryna Abielskaja źjaŭlajecca mamaj pazašlubnaha syna Alaksandra Łukašenki Mikałaja.
Danosy, bojka z Daškievičam, zavyšeńnie pakazčykaŭ u BRSM — jak prałažyŭ sabie šlach deputat-kamunist Siarhiej Kliševič?6
Kamientary