Sietka zapuściłasia ŭ Biełarusi ŭ mai 2016 hoda z punkta na Kamaroŭcy.
U Minsku začynilisia apošnija punkty viadomaj amierykanskaj sietki fastfudu. Da apošniaha trymalisia dźvie ź ich: u Handlovym centry Green City ŭ Kamiennaj Horcy i ŭ HC Dana Mall na Uschodzie ŭ Minsku, piša Blizko.by.
Niekalki tydniaŭ tamu začyniŭsia restaran u Kamiennaj Horcy, niadaŭna pryjšła čarha i taho, što na ŭschodzie.
Koko.by paviedamiŭ, što na miescy Texas Chicken na Uschodzie adkryjecca Mak.by.
Adnak u Handlovym rejestry Biełarusi punkt ŭ Dana Mall usio jašče značycca jak dziejny.
Sietka Texas Chicken zapuściłasia ŭ Biełarusi ŭ mai 2016 hoda na Kamaroŭcy. Pastupova źjavilisia punkty na Śviardłova, 32 (budynak byłoj burhiernaj Goody), na Prytyckaha, 146a; na praśpiekcie Dziaržynskaha, 91, na Prytyckaha, 156 i na Piatra Mścisłaŭca, 11, u HC Dana Mall.
Za miežami Minska ŭstanovy sietki źjavilisia ŭ Mahilovie, Breście, Babrujsku i na trasie M1 u Dziaržynskim rajonie.
Niekalki hadoŭ tamu sietka źmianiła šyldu na «Techaskaja kuračka».
Sietka Texas Chicken źjaviłasia ŭ ZŠA ŭ 1952 hodzie. Ciapier u jaje ŭvachodziać kala 2 tysiač restaranaŭ u troch dziasiatkach krain pad nazvami Texas Chicken, Church's Chicken i Church's Texas Chicken. Sietka prasłaviłasia smažanaj kurycaj u paniroŭcy z padliŭkaj «8 piercaŭ».
Kamientary