Jak vyhladajuć dvary ŭ novym raśpijaranym žyłym kompleksie VIDEA
U tyktoku źjaviłasia videa z dvarovaj terytoryi novaha ŽK «Paŭnočny bierah». Kamientatary paraŭnali jaho z Varšavaj i Novaj Baravoj. Uvahu na rolik źviarnuŭ CityDog.
Usie dvary abharodžanyja i začynienyja — starońni tudy trapić nie moža. Uvachody ŭ padjezdy, pa słovach aŭtara videa, možna naładzić pa identyfikacyi asoby.
Aŭtar rolika taksama zachaplajecca i dobraŭparadkavańniem dvara — dziciačymi placoŭkami i azielanieńniem.
Jašče z taho, što moža spadabacca žycharam, — krytaja placoŭka-stajanka dla bajkaŭ i rovaraŭ, stacyjanarnaja pompa, zaradka dla elektramabilaŭ.
Što dumajuć kamientatary?
U kamientarach biełarusy paraŭnoŭvajuć novy ŽK z kompleksami ŭ Varšavie i z Novaj Baravoj, pišuć, što «pryhoža, čysta, zručna i chočacca tam žyć».
Adnak jość i krytyčnyja kamientary:
- «Pryhoža, ale sudzić pakul rana. Ź plusaŭ, što heta vializnaja małapaviarchovaja zabudova. Ź minusaŭ — heta chutkaść budaŭnictva».
- «Užo dvary aharodžvajuć. Tryźnieńnie ž poŭnaje. Časam ludziam skaracić darohu treba praz dvary, ale nie, abharodzim ad nieviadoma kaho i čaho».
- «U mianie nie zaŭsiody telefon na tvar reahuje, kali ja paśla hulanki, kali budzie takaja piatruška z padjezdam, to budzie fijaska».
- «Hulali ŭ novym parku… Rajon pryhožy, kali-niebudź, nie chutka, budzie kłasny. Siońnia: dziciačy sadok — niama, škoła — niama, paliklinika — niama, narmalny mahazin — niama, dastatkovy transpart — niama».
A moža, usio ž varta, kab Łukašenka ŭdzielničaŭ u pieramovach pa Ukrainie?39
Kamientary
tam heta tannaje pieršaje žytło dla maładych, a ŭ nas - "chočacca tam žyć"